Dokumentuaren akzioak
San Blas eguneko soka-dantza dantzatuko dugu ostiralean
Duguna - Iruñeko dantzariak
Tuju, tuju!!! Marrantatu gara eta eztarriko minak eta eztulak loa galarazten digute.
Eskerrak ostiralean San Blas eguneko soka-dantza emanen dugula beste behin, gaitz horien kontrako botika eraginkorra -0º inguruko tenperaturan eta elur-mehatxuarekin dantzatu izan badugu ere, gure buruei sinistaraziko diegu biharamuneko zintzurreko min hori lehenagotik zetorrela eta behin sendatuta, San Blasi eskainitako belauntxingoei esker dela, zalantzarik gabe-.
San Blas, ito arte arnas dio esaera zaharrak, eztarriko minak sendatzeko omen duen iaiotasuna gogoan. Guk Blas lagunaren esku baino, angileptolaren esku uzten dugu gure lepoaren osasun ona, baina inoiz ezin da jakin eta badaezpada, aurten ere soka-dantza dantzatuko dugu bere izena daraman egunean, aurten ostiralarekin, esan bezala.
San Blas eguneko soka-dantza:
- Otsailaren 3an
- Arratsaldeko 19:30etan
- San Nikolas plazan
*Kasu, ikusleak ere sendatuko omen ditu-ta, Blas lagunak!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
