Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Axeri-bodan, gonbidatu

Dokumentuaren akzioak

Axeri-bodan, gonbidatu

Larunbatean estreinatuko du Juan Antonio Urbeltz-en Argia dantza taldeak bere ikuskizun berria: Axeri-boda.

Eztei berezi honetara gonbidatuak izan ginen aspaldixko eta gustu handiz onartu genuen gonbitea. Azken hilabeteak Iruñetik Donostira eta Donostitik Iruñera pasa ditugu (eskerrak elurrik egin ez duen!), eta denbora horretan, gutxika-gutxika forma hartzen joan da ikuskizuna. Larunbatean estreinatuko da Bilboko Arriaga antzokian.

Aberasgarria izan da, zalantzarik gabe, ikuskizunaren sormen prozesuan parte hartzea. Dantzaren alorrean jorratu gabe genituen ikuspuntuez konturatzeko balio izan digu esperientziak. Eta oraindik emanaldiekin ez gara hasi!

Horrelako aukera bat emateagatik, eskerrak eman nahi dizkiegu Argia-ko lagunei (Juanan, Iñaki, Jexux, Fernando, Marian,...), bai eta lotura lanak egin zituzten Kezka-koei ere. Lagun izanen ditugu Axeri-Bodan Elgoibar-eko Haritz eta Añorgako eta Baionako dantzariekin batera. Ez da nolanahiko lan-taldea: grandes dantzaris y mejores personas!

Arriagan ariko dira dantzan: Amaia Visus, Bea Martinez, Leire Leza, Edurne Irigoien, Amaia Irigoien, Oihane Perkaz, Oskia Garzia, Maitane Monente, Maitane Algarra, Ainara Ranera, Aritz Ibañez, Mikel Larunbe, Eder Garcia, Xabier Adrian, Akier Perkaz, Joseba Lorenzo eta Igor Campos.

Sarrerak hemen.

Dokumentuaren akzioak

veronica
2008/02/19 10:01

kaixo lagunak,

 

animo! hortxe izanen gara zuek egindako lan handia ikusteko.

 

Igande arte

aritz
2008/02/25 10:05

Erantzun

Erantzuna emateko identifikatu egin behar zara, gure webgunean erabiltzaile bat sortuz.