Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Jose Jabier Abasolo "Tiliño"ren dantza-kontuak

2019/04/09

Durangaldeko dantzen eta orokorrean folklorearen ekintzalea, bultzatzailea eta akuilua da Jose Jabier Abasolo "Tiliño" (Iurreta, 1946). Dantzarekin eta musikarekin batera beste hainbat eremutan ere aritu da, herriko hainbat mugimendu eta ekitalderen antolaketa lanetan. Kontu asko ditu Abasolok...

Gehiago irakurri

Luzaideko bolanten Korrika

2019/04/08

Bolant-dantzan eraman dute korrikako lekuko luzaidarrek. Milaka atsegin dut eta bertxiotu izan ditu Iurre Bidegain kazetari eta dantzari luzaidarrak sareratu duen bideoak. Euria goian behian zela iritsi da korrika Luzaidera asteburuan, baina eguraldi txarrari aurpegi ona jarriz, bolant-dantza dantzatuz egin dituzte hainbat metro Luzaideko herritarrek. Bolant-egunaren atarian, Korrika bera dantzarako beroketa bihurtu da. Irudi hunkigarriak utzi dizkigute, busti-busti eginda ilunpean, adin ezberdinetako luzaidarrak korrika dantzan. Irudiak: Iurre Bidegain, Korrika, Luzaide, 2019-04-06.

Cristina Gomez: Cambiando el paso

2019/04/05

Cambiando el paso lana aurkeztu berri du Cristina Gomez dantzari madrildarrak Dferia azokan. Etengabe aldatzen dugu pausoa... Bizitzak ezartzen digun erritmoari eusteko, jarritako helmuga batera iristeko, atzean geratutako lagun minari itxaroteko, dena eman genion haren atzetik joateko, geldialdia egin eta ulertzeko. Pauso aldaketa horiek irudikatu nahi ditu Gomezek oholtza gainean; Francisco Vinuesaren gitarra, David Vazquezen kantua eta Kike Terronen perkusio doinuak eta erritmoak lagun dituela. Irudiak: Eire Vila. Cristina Gomez, Cambiando el paso, Dferia, 2019-03-14.

Medikuek dantza klaseak agindu ahalko dituzte laster Britainia Handian

2019/04/05

Inguruan gero eta heldu gehiago sumatzen ditugu dantza-klaseetara joaten, horietako asko, medikuek gomendatuta. Jakinekoa da eta zientifikoki ere frogatu dituzte, dantzak dakartzan onura fisikoak eta mentalak. Britainia Handian adibidez, hemendik gutxira, medikuek dantza klaseak agindu ahalko dizki...

Gehiago irakurri

Dantzaz: Basoa prestatzen

2019/04/04

Biarnon, Zuberoarekin mugan, eraiki zuten Gurseko kontzentrazio-esparru du inspirazio iturri Dantzaz konpainiak larunbatean aurkeztuko duen pieza berriak. Josu Mujika koreografoak azaldu digu iraganeko eta gaur egungo errefuxiatuen egoera latza irudikatu nahi izan dutela. Espainiako Gerra Zibilaren ondoren milaka pertsona bildu eta pilatu zuen lekua da Gurs, gerrengatik eta pobreziagatik pairatzen diren egoerari buruzko hausnarketa zabaldu nahi dute lan honen bidez. Dantzariek historia kontatzen dute, Gursen gertatu zena eta egun gertatzen ari dena azaltzen dute dantzaren bidez. Horretarako dantza-pieza zortzi koadrotan banatu dute: erbestea, denbora, pilaketa, gaua, kabareta, itsasoa, lokatza eta itxaropena. Gurseko kontzentrazio-esparrua izan zenaren lekuan, egun baso bat dago, basoak dena ezkutatu gaitasuna baitu. Hortik Josu Mujika zuzendutako, Dantzaz konpainiak dantzatutako eta Iñaki Salvadorrek musikatutako azken lanaren izenburua. Irudiak: Eire Vila. Dantzaz, Basoaren prestaketa, 2019-04-02.

Urdiñarbe: Maskaradak 2019 moneinak nola dantzatu

2019/04/02

Moneinak jauzia urratsez urrats erakusten ageri zaizkigu bideo honetan Maiana Barreix eta Elorri Berrogain. Aurten Urdiñarbeko gazteak eskaintzen ari diren maskaradetan kantiniers ari da Maiana Barrexi eta txerrero Elorri Berrogain. Dantza-jauzia urratsez urrats erakutsi digute biek, eta tartean Pitxuk ere eskaini du bere burua manexei irakasten laguntzeko. Monein, muneinak, moneinak eta moneindarrak izenarekin ezagutzen da Zuberoan, Nafarroa Beherean eta Bearnon dantza hau. Aitzina Pikarekin batera Zuberoan gehien dantzatzen den dantza-jauzia da, besteak beste maskaradetan eta pastoraletan emanaldi bukaeran egiten baita.

Hemen Maiana Barreix-ek markatutako urratsen segida:

  • aitzina pika (4etan)
  • sinple (4etan)
  • itzul eta hiru, doble (2etan)
  • sinple, pika, doble, itzul eta hiru, itzul eta hiru (2etan)
  • aitzina pika (2etan)
  • itzul eta hiru, doble (2etan)
  • sinple, pika eta hiru, itzul eta hiru (2etan)
  • sinple (4etan)
  • pika, ezker, itzul eta hiru (2etan)
  • sinple (4etan)
  • pika, sinple, pika, doble (2etan) eta pika
  • sinple (4etan)
  • pika, sinple, pika, doble (2etan)
  • sinple, doble, pika, sinple, itzul eta hiru (2etan)
  • biga, sinple, pika eta hiru, eskuin, ezker, doble, pika (2etan)
  • sinple, doble, pika (2etan)
  • zeina, biga, sinple, zeina, biga, biga, ebats (2etan)
  • sinple (4etan)
  • pika, sinple, pika, doble (2etan)

 

Irudiak: Eire Vila. Urdiñarbe, Urdiñarbeko maskaradak, moneinak, 2019-01-06.

Anberes: Lange Wapper 2019 ezpata-dantza

2019/04/01

Anberesko katedralaren aurrean 50. ezpata-dantza dantzatu dute atzo Lange Wapper taldeko dantzariek gaita, arrabita eta danborren doinura. Ezpata-dantzari buruzko testigantza historiko zaharrenetakoak dituen hirian, Antwerp, Anvers edo Anberes moduan ezagutzen den Belgikako hirian molde zaharretan oinarritutako ezpata-dantza abian jarri zuen Renaat Van Craenenbroeck-ek 1970. urtean. Goizeko 8:40an abiatzen da errituala, bufoiak eta zaldikoak inguruan dituzten hamairu ezpata-dantzariek goizeko lehen orduan dantzatzen baitute lehen aldiz ezpata-dantza garizuma erdiko asteburuan. Handik ordubetera berriz dantzatzen dute eta horrela errepikatzen dute errituala sei alditan ohiko urteetan, eta lautan aurtengoan, ospakizunera begira beste zenbait ezpata-dantza talde gonbidatu baituzte eta lanak banatu baituzte hiriko Marc Dewatcher buru duten ezpata-dantzariek. Eguneko azken ezpata-dantza ikus daiteke irudietan, 14:00ak gertu zirela dantzatu zuten ordurako ikuslez bete zen Anberesko katedralaren plazan. Irudiak: Eire Vila. Anberes, Lange Wapper, ezpata-dantza, 2019-03-31.

Euskal Herriko 21 talde izango dira Hernaniko XXIV. Dantzari Festan

2019/04/01

Hernaniko San Joan konpartsak antolatzen duen Dantzari Festan Gipuzkoako, Arabako, Bizkaiko, Nafarroako eta Lapurdiko hogeita bat talde elkartuko dira. Aurtengoa hogeita laugarren Dantzari Festa izango da eta apirilaren 6tik 13ra dantza ekitaldiak, erakusketak edota hitzaldiak antolatu dituzte. Leh...

Gehiago irakurri

Eibar 2019 martxoaren 8ko irradaka

2019/03/29

Martxoaren 8an emakumeek hartu zuten Eibarko Untzaga plaza. Iaz Iruñean egindako eredura, irradakan dantzatu ziren, batak besteari eskutik helduta, borobilean, kantuz eta dantzan denak batean. Irradaka, M-8, Eibar, 2019-03-08.

Dantza urratsak matematikaren erritmora

2019/03/29

Judith Rivas matematika irakasleak “Pasos de baile a ritmo de matemáticas” hitzaldia eskainiko du apirilaren 2an Bizkaia Aretoan. EHUko Zientzia eta Teknologiaren 50. urteurrena ospatzeko aurreikusi diren ekitaldien barruan antolatu da. Rivasek matematika eta dantzaren arteko loturak azald...

Gehiago irakurri

Orain arteko erantzunak

Dantzan.com on Elburua Gernika 1962

2012/10/31

Txomin Unzaluk zenbait argibide eman dizkigu bideo honetan agertzen diren dantzarien inguruan: "Hor doaz irudiei buruz nere azalpenak:Eguna: 1965.eko maiatzaren 25a. Egun horretan jendaurrean berreskuratu zen Gernikako Elai-Alai taldea, militarren erreboltaren ostean deseginda. Lekua: Gernikako Pasealekua. Dantzariak: Txapelduna, Rufino Garai Azkarai "Mili". Muxikarra. Lumoko Santa Luzian "Erregeletako" aurreskularia (1904-1996) Bestea, Iñaki Garai Legarreta . Elai-Alairen dantzari ohia. (1975.an maiatzaren 14an, Guardia Zibilak erailda Blanca bere emaztearekin batera beren etxean.)"

Dantzan.com on Euskal Herriko Lapurdi probintziako inauteri eta negu ohituren zerrendatze bati buruz

2012/10/10

Liburua Elkarlanean-ek banatzen du:
http://www.elkar.com/[…]/a000000273952

Eta beraz, bere liburudenden sarean, webgunearen bidez, edo banaketa talde horrekin lan egiten duten liburudenden bidez erosi daiteke.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com