Orain arteko ekarpenak

Euskal kantagintza berria ekarri zuen "Ez dok hamairuk" eta orain 40 urteko euskal kulturaren alorrean lurrikara izan zen Laboa, Lertxundi, Iriondo, Lete, Irigarai, Artze anaiek eta konpainiak eragin zutena. Ez dok hamairu musika taldea zen batipat, baina hasierako emanaldi guztiak dantzan hasten zituzten. Hain zuzen ere, Baztango mutil-dantza batzuk egiten zituzten emanaldi guztien hasieran.

Martxoaren 23tik 28ra ospatuko da Biarritzen "Bi harriz lau xori" musika, antzerkia eta dantza elkartzen dituen jaialdia. Zenbait dantza ekitaldi izango dira bertan, eta tartean "Sokaren inguruko eguna", soka-dantza ardatz izango duen ekitaldia.

Azken urteotan munduko plaza eta dantza-geletan gehien dantzatzen ari den dantzetako bat izango da. Gure artean ere edozein tokitan agertzen zaigu, inauterietan, ikasturte bukaerako jaialdietan, dantzaldi antolatuetan zein espontaneoetan,... Denok ezagutzen dugu eta denok dantzatu dugu noizbait, baina ez galdetu nola duen izena eta nondik datorren...

Dantzari, dantza ikertzaile eta euskaralari iruindarra hil da, buruko odol isuri baten ondorioz. Pasa den ostiralean izan zuen isuria eta egoera larrian izan da ordutik ospitalean, gaur azken hatsa hartu duen arte. 39 urte zituen Joxemiel Bidadorrek.

Kosme de Barañano, Willem de Waal, Juan Antonio Urbeltz, Kepa Fernandez de Larrinoa, Andres Ortiz Oses eta beste hainbat hizlarik parte hartuko dute Olaeta baleten aitzakian Bizkaiko Foru Aldundiak antolatu dituen hitzaldi zikloan.

Errumania, Bulgaria, Grezia, Turkia eta Mazedoniako dantzak irakatsiko dituzte Aste Santuan egingo den ikastaro batean Ribota de Ordunten, Burgosen. Ulrike Sieferle eta Gigi Vezzoli izango dira Danzas sin Fronteras elkarteak antolatzen dituen ikastaroko irakasleak.

Julio Bocca dantzari argentinar handiak idatzi du 2010eko Dantzaren Nazioarteko Eguneko mezua. Apirilaren 29an ospatzen da dantzaren eguna eta urtero dantzaren munduan ibilbide garrantzitsua egin duen lagun batek prestatzen du lau haizetara zabaltzen den mezua. Horra Julio Boccak idatzitakoa:

60ko hamarkada bukaeran eta 70eko hasieran, Argia dantzari taldearen emanaldiak, Ez dok Hamairuren kantaldiak moduan, lurrikara kultural eta sozialak ziren. Berriz ere Guregipuzkoa.net-i esker emanaldi historiko horietako bat gogoratzera goaz. 1971ko irailaren 11an izan zen, Donostiako Trinitate plazan. Euskal Jaiak ospatzen ziren, eta Argia dantzari taldeak Nafarroako dantzak jarri zituen euskal kulturaren erdigunean.

Dantza argazkilaritzan ekarpen interesgarriak egiten ari den argazkilaria da Gorka Bravo. Artibus-ek martxan jarritako Capturadanza, argazki eta bideo-dantza II. lehiaketan lehen saria eskuratu berri du.

Guregipuzkoa.net-en argazki sorta berriak sareratzen jarraitzen dute, eta oraingoan Javier Garayalde-ren argazkiak ari dira denon eskura jartzen. Horien artean aipatzekoa da Zuberoako Maskaradei buruzko argazki sorta eder bat, 1972. urtean Mendikotan ospatu zen maskaradan egindakoa. Eta baita hilabete batzuk lehenago Otsagabian egindako sorta bat ere.