Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Koko-dantzak 2009

2009/04/08

Inauteriak Eibarren Kezka dantza taldearen eskutik. Koko-dantzak eta koko-eskea baserriz baserri. Irudiak: Iker Lazpita. Edizioa: Andoni Zabala. Dantzan.com, Eibar, 2009-02-14.

Indarra: Gazteizko zortzikoa

2009/04/07

Gasteizko Zortzikoa Indarra dantza taldearen eskutik Galdakaon Ibilaldiaren dantza jaialdian. Irudiak: Oier Araolaza. Edizioa: Andoni Zabala. Galdakao, dantzan.com, 2009-01-17.

Miguel Angel Sagasetaren "Danzas de Valcarlos" pdf-an

2009/04/06

Aspaldi agortutako liburua da Sagasetak Luzaideko dantzen inguruan idatzi zuena. 1977an argitaratu zen eta Luzaide zein Nafarroa Behereko dantzetarako erreferentzia onena da ordutik. Baina liburua, agortuta dagoenez, ez da erraza eskuratzea. Horra bolantak ikustera joan aurretik irakurtzeko liburu mamitsua, pdf formatoa, edonoren eskura.

Gehiago irakurri

Break On Stage 2009

2009/04/06

Andoain: Axeri dantza 2009 Zortzikoa edo leku aldatzekoa

2009/04/03

Andoain-en egiten den Axeri-dantzan, zortzikoa egiteko dantzariak, bi ilaratan jartzen dira udaletxeari begira.Lehenik buruzagiak Gipuzkoako zortzikoa dantzatzen du, bere gerrikoa eskuan duela. Buruzagiak berea bukatuta, gainontzekoak banan-bana hasten dira zortzikoa dantzatzen, horretarako lehenengoa aurrealdera joan eta buruzagiaren kokalekuan jarri, horrengandik gerrikoa hartu, eta dantzatzen hasten dira. Lehenengo dantzariak zortzikoa amaitzen duenerako bigarrena zain du bere eskutik gerrikoa hartzeko. Kontua da, dantzatu berriak lekuz aldatu behar duela, eta hori korrika egin beharko du, ezen, gerrikoa dantzari etorri berriari eman bezain laster, hori gerrikoaz jotzen saiatuko baita eta atzetik korrika jarraituko zaio dagokion lekura iritsi arte. Irudiak: Eire Vila. Edizioa: Andoni Zabala. Dantzan.com. Andoain, 2009-06-24.

Andoain: Axeri dantza 2009 Txingoa edo Ilentia

2009/04/03

Ekainaren 24an, Andoain-en, Txingoa egiten dute axeri-dantzaren barruan. Bi dantzari ilarak bat egiten dute ilara bakar batean, eta dantzariek, bata besteari eskuineko oina eskuineko eskuaz jasoko dio musikaren erritmopean txingoka ibiltzeko haruntz eta honuntz. Atzeko dantzariak beste eskuaz aurrekoaren sorbaldari heltzen dio bere burua eusteko. Tarteka, oin-zangoz aldatzen dute dantzariek, horrek sortzen dituen hankatrabatze guztiekin. Bitartean, buruzagia ilararen inguruan ibiliko da ilenti batez dantzariak xaxatzen. Irudiak: Eire Vila. Edizioa: Andoni Zabala. Dantzan.com. Andoain, 2009-06-24.

Andoain: Axeri dantza 2009 Perra jartzea

2009/04/03

Ekainaren 24an, San Joan egunean dantzatzen da axeri-dantza Andoain-en. Korrikan garaile izan direnek garaitutakoak perratuko dituzte. Perratutakoek ostikoka aurre egingo diete perratzaileei, abereek egingo luketen bezala, eta perratzaileek, eskuineko hankan lehenengo eta, berriz soinua jotzean, ezkerrikoan, perra jartzeko kolpe-imintzoak egingo dituzte. Irudiak: Eire Vila. Edizioa: Andoni Zabala. Dantzan.com. Andoain, 2009-06-24.

Orain arteko erantzunak

Dantzan on Oñati 2018 Eusko Ikaskuntzak 100 urte: aurreskua

2018/11/28

Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.

Dantzan on Zarautz: San Pelaio 2018 Oilasko biltzea

2018/07/10

Eskerrik asko Xabier abisuagatik, despistea izan dugu. Aldatu dugu.

Dantzan on Dantzei buruzko aipu bat Belako zaldunaren bi eskuizkributan

2018/06/18

Xabier Itzainak Ekaitz Santaziliaren lan honen haritik sarrera bat egin du: https://dantzan.eus/kidea/itzaina/kanbo-1727

Dantzan on Altzürükü 1982 Urdiñarbeko maskaradak

2018/04/18

Marcel Bedaxagarrek bideoari buruzko honako oharra bidali digu: "1982ko maskaraden bideoan (Urdiñarbetarrak Altzürükün) Gabota emaiten düen dantzariak Altzürükütarrak dütük (ahatzerik nüan hori eman züela). Urdiñarbeko gatüzainak ez dik seküla bunet gorririk üken! interresgarriena dük zibilez ari den dantzaria Jakes Abehera (Jaragoyhen) dela, Xiberoko dantzari ejerrenetarik eta hoberenetarik izan dena!"

Dantzan on Gaurtik aurrera dantzan.eus-eko bideoak telebistan

2018/03/28

Zozketan bi pertsonek hartu dute parte eta guk bi Chromecast ditugunez eskura, biak zorteko! Zorionak Imanol eta Iker, Chromecast bana zuentzat. Hemendik aurrera dantzan.eus-eko bideoak telebistaz ikusteko aukera ere izango duzue. Zuzenean jarriko gara harremanetan zuekin.

Dantzan on Sara Montiel euskal erromeria batean dantzan 1962

2017/11/21

Jon Mayak idatzi digu dantzan ari denetako bat bere aitona Felipe Maya dela esanez.

Dantzan on Folklorea uda garaian

2017/11/02

Ondoko ekarpena egin du Pablo Izagirrek gaiari buruz facebook-en:

"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.

Dantzan on Eltziegoko dantzak neska-mutilek dantzatzen zituztenekoak

2017/10/24

San Lorentzoko dantzariek gogorazi digute, sarrera honetako argazki bat euren buletineko lehenengo zenbakian argitaratu zutela, baita neskek lehengo aldiz dantzatu zutenekoa ere. Argazki horiei esker ikus dezakegu gizonek zein emakumeek dantzatuak izan direla Eltziegoko dantzak. Gerra aurretik gizonek dantzatzen zituztela azaltzen dute baina galdu egin zen ohitura, gerra ondorenean Sección Femeninak berreskuratu zituen dantzak, orduan hasi ziren emakumeak Eltziegoko dantzak dantzatzen. Irudietan ikusi dugu 1960ko hamarkadan gizon-emakumeek elkarrekin ere dantzatu izan zituztela. Buletinean, dantzarien arropen xehetasunak ere ageri dira. Lotura honetan irakur ditzakezue azalpen guztiak:
http://danzantesdesanlorenzo.com/boletin1.html

Dantzan on Kontra-dantzan 1967

2017/10/23

Bai, horixe adierazi nahi genuen ezohiko horrekin, dantzan-en ez ditugula maiz jartzen horrelakoak, kontra-dantzak jartzen ditugunean gehienetan testuinguru folklorizatuetakoak izaten baitira. Baina ez dugu esateko moduarekin asmatu. Mila esker!
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com