Iruñeko dantzarien III. topaketa, maiatzaren 1ean, Txantrean

2013an hasi zen Iruñeko dantza taldeak bere baitan biltzen dituen Iruñeko dantzarien mahaia (Irudama) dantzarien topaketa antolatzen. Urtero hiriko auzo ezberdin batean antolatzeko ohitura hartuta, Alde Zaharra eta Sanduzelai-ren ondotik, aurtengoa Txantrean izanen da maiatzaren 1ean, bertako festak direla eta.

18:00etan kalejira eginen dute Auzotegitik abiatuta eta 19:00etan izanen da emanaldi nagusia, Ezkaba plazan.

Honako taldeek parte hartuko dute, dantza hauek eginez:

• Duguna: Zuberoako maskaradetako dantzak.
• Iruña Taldea: Matelota eta Lesaka.
• Muthiko: Otsagiko dantzak eta Igitai-dantza.
• Oberena: Tafallako jota eta Kontrapas.
• Ortzadar: Ingurutxo eta Arratiako jota eta porrusalda.
• Basakaitz: Tuterako Inauterietako Polka, Tuterako jota eta Zuberoako Makil-dantza.