Dantzan: dantzarion biltoki

2019/09/19

Dantzarien eta dantzazaleen elkargune izateko jaio zen Dantzan, eta bai birtualki, bai fisikoki horretan dihardugu. Egoitza berrian (Ubitxa 16-18, Eibar) gaudenetik ere hainbatek lagun elkartu dira bertan beren elkarrizketa, bilera eta harremanak bideratzeko. Adibidez, hemen izan dira Toni Jodar eta Helena Tornero katalandarrak Explica dansa proiektuaren inguruan Bilbao Musikako eta Aiko Taldeko Patxi Labordarekin, bai eta Aritz Ibañez Dugunako iruindarra eta Patxi Montero Herrixa Dantzan ere, eta baita Kezka dantza taldeko kideak ere.

Explica Dansa elkarrizketa Dantzan-en — Patxi Laborda, Toni Jodar eta Helena Tornero, Explica Dansa proiektuarekin inguruan Eibarren, Dantzan bulegoetan, 2019-09-11.

Dantzan: Aritz Ibañez eta Patxi Montero — Aritz Ibañez eta Patxi Montero Eibarren, Dantzanen egoitzan, 2019-09-18.

Kezka dantza taldea bileran — Kezka dantza taldeko kideak bileran Biharrian Dantzanen, 2019-09-18.

Dantzan

Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:

Formazioa. Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez.
Kudeaketa. Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez.
Dokumentazioa. Euskal dantzaren artxibora begira euskal dantzaren milatik gora bideo-zinta digitalizatu eta dokumentatu ditugu.
Ondare immateriala inbentariatzeko lanetan euskal dantzen fitxak egiten parte hartu dugu Zatak elkartearekin lankidetzan.
Hitzaldiak. Euskal dantza eta kultura tradizionalaren inguruko hitzaldiak eskaintzen ditugu.
Dantza ekitaldiak. Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
Aholkularitza. Hainbat ekitalditan parte hartzeaz gainera, dantzarekin lotutako aholkularitza, informazio eta dokumentazio zerbitzua eskaintzen dugu, bai emailez, bai telefonoz (943 53 04 40), bai Eibarren (Ubitxa 16 behea) dugun bulego nagusian.
Komunikazioa. Dantzanen jarduerak oihartzuna du beste eremu eta medioetan, eta besteak beste Irulegi irratiarekin lankidetzan aritzen gara dantza-kontuan uhinetan zabaltzen.
Dantzan. Dantzan elkartea 2020an: dantza sustatu eta hedatzeko lanak
Marka. Dantzan markaren irudiak eta logoak.
Dantzan.eus. Azken berrikuntza teknikoak eta aldaketak webgunean.

Dantzan

Ubitxa 16-18, behea // 20600 Eibar (kokapena)
+34 943 53 04 40
dantzari@dantzan.com