Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Aurtzaka dantza taldea Kroaziara

Dokumentuaren akzioak

Kroaziara

Uztailaren 14an Kroaziarako bidean jarriko gara, Zagrebeko 41. Nazioarteko Folklore Jaialdian parte hartzeko asmoz.

 

 

Jaialdia uztailaren 18an hasiko da. Kroazia eta auzoko herrialdetako 20 folklore-taldez gain, atzerritar 10 dantza-taldek parte hartuko dugu 5 egunetan zehar luzatzen den Jaialdi honetan. Egunero bi edo hiru dantza emanaldi aurkezten dira, eta gauero, abesbatza eta musika taldeen kontzertuak izango dira.

 

Guzti honekin batera, eskaintzen diren musika eta dantza tailerrak interesgarriak izateko itxura daukate, eta tartean erakutsiko dituzte Bosnia Herzegobinako Kroaziarren bitxi tradizionalen bilduma Zagrebeko Museo Etnografikoan, edota Jaialdiaren aurreko 40 urteetako DVD emanaldia.

 

Dance with us! izeneko dantza-tailerra Francis Feybli suitzarrak zuzenduko du, 70.eko hamarkadan europar musika eta dantza tradizionalaren biltzaile eta zabaltzailea.

 

Linda Tsardakas-Grimm eta Klaus Grimmen eskutik, berriz, aukera ezinobea izango dugu hainbat herrialdetako (Eskandinabia, Alemania, EEBB, Kanada, Hego-Ekialdeko Europa) bai borobilean, bai bikoteka dantzatzen diren dantzak ikasteko.

 

Musikari dagokionez, Indiako sarod eta tabla izeneko instrumentuen erabilera, Indiar musikaterapia (Avijit Ghosh), eta Kapla abestien tailerrak eskainiko dira.

 

 

 

Gure taldea, bertakoez gain, Bulgaria, Grezia, Georgia, India, Italia, Kamerun, Hego Korea, Malawi, Norbegia, Eslobenia eta Turkiako dantza taldeekin batera arituko da. 30 zein 10 minutuko emanaldiak egingo ditugu eta  Euskal Herriko lurralde gehieneko dantzekin osatuko ditugu: ezpata-dantzak, soka-dantza, dantzari-dantza, brokel dantzak, Luzaideko bolantak, Lapurdiko makil-txikiak, erromeria-dantzak eta Zuberoko maskarada zatiak txertatuko ditugu moldaketa desberdinekin.

 

19 lagunek bidaiatuko dugu, horietatik bost musikariak.

 

 

Zagrebeko 41. Nazioarteko Folklore Jaialdiari buruzko informazioa hemen.

http://www.msf.hr/Smotra2007/En-index2007.htm

 

 

Dokumentuaren akzioak

oier
2007/07/05 12:36
Karteleko ezpata-dantzak oso itxura interesgarria dauka! Oker ez banago Iruñeko Dugunakoak izan ziren 2005ean jaialdi horretan.
Ondo ibili!
aritz
2007/07/05 16:25
Iep,

Ba bai gu duela 2 urte egon ginen (ni ez, lesionatuta bainengoen). Taldekoek ederki pasa zuten. Oso polita omen da Kroazia. Antolatzaileek interes berezia zuten ezpata-dantzekin (horregatik kartela, imajinatzen dut), beraz Aurtzaka-koak oso ongi hartuko zaituztete.

Ongi pasa Zagreb-en!
aurtzaka
2007/07/09 09:47

Eskerrik asko biei,

saiatuko gara itzulerakoan kontatzen.

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Aurtzaka dantza taldea

Aurtzaka dantza taldea

Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab. 

 

Aurtzaka dantza taldea

Garmendia Otaola 9

20200 Beasain

www.aurtzaka.com

aurtzaka@gmail.com