Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Aurtzaka dantza taldea › Joseba gogoan Ordiziako jaietan

Dokumentuaren akzioak

Joseba gogoan Ordiziako jaietan

Aurtzaka dantza taldea Aurtzaka dantza taldea
2015/07/24 08:45
Joseba gogoan Ordiziako jaietan

Joseba Santanazaleen esku-dantzako aurresku 2007.07.27 (Arg.: Oier Araolaza, dantzan.eus)

Asteburu honetan ospatuko dira Ordiziako Santa Ana jaien egun nagusiak, eta hauekin batera egingo da Santanazaleen Kofradiaren Esku-dantza uztailaren 27an. Gure lagun Joseba Juarezek lotura berezia gordetzen zuen ekitaldi honekin, besteak beste, urteroko dantzarien maisu eta prestatzailea izaten zelako.

Arrazoi hau dela eta, Esku-dantzari buruz Ordiziako Udalak prestatu duen liburuxka aurkeztu zen atzo prentsaurrekoan, eta bertan aipamen berezia egiten zaio Josebari eskainitako hitzaurrean. Gure taldeko Mikel Sarriegik idatzitakoa da testua eta Ordiziako Santa Ana aldizkarian ere argitaratu da. Hemen irakurri daiteke.

Astelehenean bertan ere, Esku-dantzaren aurretik, omenalditxo bat egingo zaio bere maisu-kideek dantzatutako agurrarekin eta isilune txiki batekin.

Gure aldetik beste gauzatxo bat ere egin dugu: azaroan Joseba zendu zenean dantzan.eus-ek haren profilean bere ibilbidea biltzeko proposamenari heldu diogu eta bertan jarri dugu osatu ahal izan dugun Josebaren dantza-biografia ia guztia. Ikusi hemen. Norbaitek zuzenketarik edo osagarririk baleuke, estimatuko genizkioke.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Aurtzaka dantza taldea

Aurtzaka dantza taldea

Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab. 

 

Aurtzaka dantza taldea

Garmendia Otaola 9

20200 Beasain

www.aurtzaka.com

aurtzaka@gmail.com