Gure artistak

Aloña

 

Bada denbora bat dantzan.com-ek gure taldeko Aloña Garmendiaren berri eman zuela (dantza hurbiletik bizi duen artista grafikoa). Taldeko dantzaria izateaz aparte, gure artista grafiko partikularra ere bada, eta aste honetan bertan Goierri Telebistako “Goierri Creation City” programa eskaini diote oso-osorik.

Bere ibilbide artistikoaz gain, ihardunbide hau eta dantzaren mundua nola lotzen dituen agertzen digu. Folklorearen modernitateaz, emakumearen irudia folklorean aztertzen duen bere tesinaz, eta bestelako gaiak ere aipatzen ditu, hemen ikusi dezakezuen emanaldian.

Hemen dauzka bere lanak ikusgai.

 

 Graffitilariak

 

Azken urte hauetan Beasaingo kaleak graffitilarien erreferentzi interesgarri bihurtu dira. Besteak beste, Euskal Herri osoan ezagunak egin dira Dizebi-ren horma margotuak, garai batean gure taldeko txalapartari izan genuena berau.

 

Dizebiren margo baten aurrean dantzan. 

 

Gure taldeko egoitza den lokalaren kanpoko hormak, orain 6 urte, dantza irudiekin apaindu zizkigun taldeko dantzaria izandako Erkuden Mendizabal-ek (urte askoan taldean behar izan ditugun kartel, irudi eta bestelako lanen diseinuak egin izan dizkigu Erkudenek). Hormetan egiten den lan artistiko mota hau iraungikorra izan ohi da, eta joan den udazkenean, berritze lanari ekin behar izan diogunez, beste graffitilari herritar ezagun bati eskatu genion eginkizuna, Xabier Xtrem ezizenez ezagutua.

Hau da bere lanaren emaitza:

 

Eta lan horren luzapen gisa, beste horma hau ere azaldu da berriki, Beasaingo Nafarroa Etorbidean:

Esan beharrik ez dago, oso harro gaudela maila honetako laguntzaileak izateaz, eta bihoakie gure estimaziorik handiena.