Barañaingo Auditorium-ak ere prestatu du egitarau berezia egun horretarako (apirilaren 29an). Helbide honetan informazio gehiago:

http://www.auditoriobaranain.com/fitxak/diainternazionaleusk.htm

Nik bertan egoterik izanen ez dudan arren, zorionak eman nahi dizkiet Orritz taldekoei zein laguntza eman dien NEDBri antolatu duten egitarauagatik. Den dena ongi atera dadila!

Oso kronika polita Oier.

Ni igandean Lesakara joatekotan izan nintzen, baina futbola zegoen eta ezin. Atzo Goizuetara joatekoa nintzen, baina gurasoak oporretatik bueltan zetozen eta haien bila joatea tokatu zitzaidan. Azkenean ez batera ez bestera.

Etorriko dira inauteriak datorren urtean ere. Beharko!

Ados. Urbeltz-ek egin duena bezalako lan mardula (edo beste hainbat lan mardul) esaldi batean laburbiltzeak, noski, horrelako esaldi "karikaturizatuak"-edo asmatzeko arriskua dakar. Zenbaitek gainera, horrelako esaldiak (eltxo eta ezpata-dantzariena ez da nik asmatutakoa) lan mardul horiek desprestigiatzeko erabiltzen ditu, eta ez zen hori nire intentzioa inondik-inora.

Egia da, zuk diozun gisan, esaldi edo adibide konkretuez haratago, lan interesgarria dela Urbeltz-ena bere osotasunean, erakusten baitigu ez garela batzutan uste izan dugun bezain "martzianoak".

Dantzen inguruko sinboloei buruzko ideirik ere ez dugunondako harrigarri xamarra suertatzen da durangaldeko ezpata-dantzariak eltxoak direla irakurtzea, adibidez. Gero, Urbeltz-en liburuak irakurtzen hasi eta ikusten hasten zara adibide eta konparazio zenbaitek bere logika ere badutela (beste batzuetan gogorrako egiten da ulertzea edo buruan sartzea).

Nik baino gehiago dakizuenok, zer iritzi duzue?

Atzo egunkarian irakurri nuenez, Eratsunen ez dute ihauterik eginen aurten. Herrian zuten ostatua itxi zuten iaz eta ostaturik gabe parrandarik ez, omen. Soziedade bat badute, baina hala ere herriko gazteak ez dira ihauteriak prestatzera animatu.

> Dantzari Egunari buruzko mezu kritiko bat irakurri daiteke "hemen,":http://groups.yahoo.com/group/dantzan/message/700 posta zerrendan.

Erabat ados nago Oierrek errandakoarekin. Tamalez urte batzuetatik hone euskal dantzaren inguruan mugitzen garenon imaginazioa lo dago. Ikusi bertzerik ez dago Iruñeko Dantzari egunean plazaratuko den errepertorioa:1978an egin zen errepertorio bera. Egia da zerbait sinbolikoa izaten ahal dela, baina Oier-ek aipatzen duen nostalgia horrekin erabat lotuta dago. Edo ez al duzue uste 25 urte ondoren zerbait berria egiteko kapaz izan beharko ginatekela. Egia da ere Nafarroako Gobernuak ukatutako laguntzak eta EDB-ren Nafarroako ordezkaritzan ematen ari den eztabaidak zerikusia izan dezakeela horretan. Hala izanik ere uste dut gure izaera guztia eta lan egiteko modua berriz planteatu beharko genukeela. 2003garren urtean gara, baina duela 15 urteko lan moldeekin funtzionatzen dugu. Uste dut gure buruarekin kritiko izan behar garela, eztabaida sortu beharra dagoela, euskal dantza tradizionalak bizi duen krisia (guk, dantzariok, sortutako krisia), amaitu ahal izateko.

Segi bizkor
Aritz