Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Gipuzkoako Dantzagunea Dantzako ikasketak egiteko bekak

Dokumentuaren akzioak

Dantzako ikasketak egiteko bekak

Irekita dago 2023-2024 ikasturtean dantzako ikasketak egiteko bekak eskatzeko Gipuzkoako Foru Aldundiko Kultura Departamentuaren deialdia. Dantza klasiko eta garaikideko edota koreografia ikasketa espezializatuak egin nahi dituzten dantzariei dago zuzenduta dago, eta Euskadiko Autonomia Erkidegoan edo Nafarroako Foru Erkidegoan Nafarroan egin ezin eta kanpora joan beharrean aurkitzen direnek eskatu ahal izango dituzte. Eskaerak aurkezteko epea ekainaren 16 arte dago irekita.

  • Deialdia
  • Eskaerak aurkezteko epe-amaiera: 2023ko ekainaren 16a

Zenbait arte-diziplinatako ikasketa espezializatuak egiteko deialdiaren baitan, 40.000€ bideratu dira dantzaren alorrera, nahiz eta alor bakoitzeko zenbatekoak handitu ahal izango diren, beste alorretan soberakinik egonez gero. Eskatzaile bakoitzak 10.000€ arteko laguntza jaso dezake, matrikula, ostatu eta joan-etorri gastuetarako.

Bekak ikasketa espezializatuetara daude bideratuta, eta ez oinarrizkoetara. Eskatzaileek ziurtatu behar dute oinarrizko formazioa dutela, ikasketak egin dituen zentroek emandako agiriak aurkeztuta.

Eskatutako ikasketek gutxienez 4 eta gehienez 10 hilabete jarraituko iraupena izan beharko dute, eta deialdiaren urteko irailaren 1etik hasi eta hurrengo urteko azaroaren 30a bitartean egin beharko dira. Halaber, gehienez luzapenaldi bat izan dezakete, beka eman eta hurrengo urtean. Horretarako dagokion hurrengo urteko deialdian eskaera aurkeztu beharko dute.

Hautaketa eta baldintza nagusiak

  • Dantza-arloak: klasikoa, garaikidea eta koreografia.
  • Gipuzkoako edozein udalerritan azken hamar urteetan gutxienez bost urtetan zehar bizi izatea.
  • Gutxienez 16 urte beteak izatea 2022ko abenduaren 31rako, eta 2023ko abenduaren 31n 31 urte bete ez izana. Adin txikikoen kasuan (16 edo 17 urtekoak), beharrezkoa izango da adingabeen guraso agintea duten pertsonen baimena.
  • Ezingo dira beka hauek eskatu, egin nahi diren ikasketak Euskadiko Autonomia Erkidegoan edo Nafarroako Foru Erkidegoan egiteko aukera baldin badago. Aldiz, ikasketak bi erkidego horietan egin ezin eta kanpora joan beharrean aurkitzen direnek eskatu ahal izango dituzte.
  • Egindako ikasketen agiriekin batera, eskatzaileek aurkeztu beharko dute hautatu duten zentroari buruzko informazioa, eta motibazio eskutitza.
  • Eskatzaileak deituak izan daitezke proiektuari buruzko azalpenak ematera edo froga praktiko bat egitera, musikaren eta dantzaren alorretan batipat. Hala denean esandako egun eta orduan etorri behar dute, bestela automatikoki baztertuak izango dira.
  • Eskabidea egiteko oinarriak

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Gipuzkoako Dantzagunea

Gipuzkoako Dantzagunea

Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.

Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea. 

Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.

Dantzagunearen lan-lerro nagusiak honakoak dira:

1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.

2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.

3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.

4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.

5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...