Zuzeneko musika, dantza ikastaroak eta erromeria nagusi Sestaoko Euskal Jaietan

Gaur arratsaldean, esaterako, Jantzien Atondu moduluaz gozatu ahal izango da, Angela Figuera institutuaren proiekzio gelan, 19.00etatik aurrera, Ane Albisuren eskutik. Horren atzetik, 20.30ean, dantza tailerra eskainiko du Patxi Labordak, kasu honetan, institutu bereko kiroldegi estalian. Bihar, goizetik hasita, Euskal Ezkontza irudikatuko dute herrian zehar, 11.30etik aurrera, eta eguerdian, 15.00etan, herri bazkaria izango da pilotalekuan. Jaiei amaiera emateko, Aiko taldearen erromeriaz gozatu ahal izango dute, bai Kasko plazan eta bai pilotalekuan ere.