Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Zortzi dantza ikuskizun eskainiko ditu Bilbon Dantzaldia jaialdiak

Dokumentuaren akzioak

Zortzi dantza ikuskizun eskainiko ditu Bilbon Dantzaldia jaialdiak

Euskal Herriko, Frantziako, Kataluniako eta Espainiako taldeak izango dira hirian, azaroaren 24ra bitartean

Egoera ekonomikoak estututa, udazkenera atzeratu behar izan dute aurten antolatzaileek XIV. Dantzaldia, baina abian da jadanik. Atzo eskaini zuten lehen emanaldia Dantzaz konpainiak Bilboko Rekalde aretoan, eta dantzari eskainitako beste hainbat saio, eskola eta ekitaldi antolatu dituzte azaroaren 24ra arte hirian. Olivier Dubois eta Espainiako Dantza Konpainia izango dira tartean.
Komunikabidea
Berria
Tokia
Bilbo
Mota
Albistea
Data
2013/09/26
Lotura
Berria

Urriaren 11n izango du jaialdiak bigarren saioa. Ehun urte dira aurten Igor Stravinskiren Le sacre du printemps musikaren gainean Vaslav Nijisnki koreografoak balleta sortu zuenetik, eta lan haren hainbat dantza emanaldiren proiekzioak emango dituzte Alondegian. Olivier Duboisek Pret a baiser performancea eskainiko du ondoren.

Antzerkiarekin mugan

Urriaren 13an Aracaladanza talde madrildarrak Constelaciones eskainiko du Euskaldunan, eta Espainiako Dantza Konpainia izango da 16an Guggenheim museoan. Carmen jokatuko du Aida Gomezek Euskaldunan 17an, eta azaroaren 8an, Laveronal konpainiak Islandia eskainiko du BBK aretoan. Belen Maya dantzariak itxiko du jaialdia Fundicion aretoan antzerkia eta dantza uztartzen dituen Habitaciones lanarekin, azaroaren 23an eta 24an.

Dokumentuaren akzioak