Dokumentuaren akzioak
Zarautzen aurreskua atera zutela 100 urte betetzen diren honetan, dantzariei deia
Abuztuan, ehun urte beteko dira, Gipuzkoako Aldundiaren babesean, Zarautzen 'Fiestas Euskaras' edo 'Euskal Festak' izan zirela. Festa horiek, euskal nortasuna indartzeko antolatzen zirenak, urtero Gipuzkoako herriren batean izaten ziren, eta 1912. urtean Zarautzen antolatu zuten. Festa horien barne, besteak beste, gerora 'Ohorezko Aurreskua' izenarekin ezagutu zen koreografia egin zuten garai hartako agintariek.
Urtemuga hori aitzakia hartuta, iraileko Euskal Astean, ekitaldi hartan girotatuko Aurreskua ateratzekosaiakera egin nahi da. Lehenago ere egin izan dira an-tzeko saioak, 'Aurresku Zaharra' izenarekin. Oraingo honetan, helburu nagusia da azken hirurogei urteotan Aurreskuaren tradizioari eutsi dioten Zarauzko dantza taldeetako protagonistei dei egitea, elkarrekin, Aurreskua ateratzeko: Irrintzi, Ondartza, Hodeiertz, Mollarri eta Iratzarri dira talde horiek. Hori dela eta, aurreneko bilera talde horietan aritutako mutilekin egingo da, eta dei egiten zaie ager daitezela, gaur osteguna, arratsaldeko 7etan, Sanz Enea Kultur Etxera.
Dokumentuaren akzioak
