Hemen zaude: Hasiera Hemeroteka XXXVII. Haurren Euskal Jaia ospatzen da gaur Soraluzen

Dokumentuaren akzioak

XXXVII. Haurren Euskal Jaia ospatzen da gaur Soraluzen

Egilea
Nerea Isasti
Komunikabidea
Diario Vasco
Tokia
Soraluze - Placencia
Mota
Albistea
Data
2007/06/03

Gaur goizeko hamarretan eskualdeko txistulariek kalejira bat egingo dute eta ordu erdi beranduago dantza talde gonbidatuei ongi etorria egingo zaie frontoian, hamarretako eta guzti. Gero, hamaika t'erdietan beste kalejira bat egongo da, oraingoan dantzari eta txistulariena.

Eguneko lehen alardea eguerdiko hamabi t'erdietan izango da Plaza Zaharrean, dantza bereziekin. Ordubietan, txistulari eta arduradunek kalejira-poteoa egingo dute herriko trikitilariekin.

Arratsaldez, lauretan haur jolasak egongo dira Plaza Zaharrean eta bostetan bigarren alardea. Azkenik, eguna bukatzeko, buruhaundiak.

Bestalde, ekainaren 4tik 8ra bitartean argazki eta bideo erakusketa egongo da ikusgai kiroldegiko erakusketa gelan, azken ia ehun urtetan dantzariekin lotutako argazki eta bideo grabaketa zaharrekin. Astelehenetik ostiralera egongo da zabalik, eta erakusketaren ordutegia arratsaldeko zazpiretatik zortzi t'erdietara.

Azkenik, datorren larunbatean, ekainak 9, Euskal Jai eguna ospatuko da, eta baita ere Soraluzeko dantza taldearen 50garren urteurrena. Egun horretan, alardea, bazkaria, sagardo dastaketa eta erromeria izango dira nagusi, besteak beste.

XXXVII. Haurren Euskal Jaia ospatzen da gaur Soraluzen
Pasa den urteko haurren kalejira. [ISASTI]

Dokumentuaren akzioak