dFERIA jaialdia martxoaren 16tik 20ra bitartean egingo da eta maila handiko programazio eszeniko prestatu du. Aurten Alemania, Suitza eta Austria izango dira herri gonbidatuak.
Donostiako hainbat antzeztokitan, eta Esplotazioa lelopean, 34 konpainiaren 33 ikuskizun eta 54 emanaldi antolatu dira, diziplina guztietan: dantza, antzerkia, lau zirku ikuskizun eta diziplina anitzekoak ere bai. Hainbat espaziotan ikusiko diren pieza horiek Italia, Argentina, Errusia, Alemania, Austria, Suitza, Uruguai eta Kolonbiatik datozen taldeen eskutik helduko dira.
Hona hemen gaur, martxoak 17, ikusiko diren antzezlanak: Danse Macabre (Martin Zimmermann), Mellowing (Dance On), Crazy old me (Karin Schäfer), Reflejos de Macondo (Oscar Perfer, María José Bustos), Mahmud y no solo Mahmud (Puntocer Company), After The Drop (Mado Dallery, Lucía Montes) eta Reminiscencia (Malicho Vaca Valenzuela).
Egun hauetako programazioa guztia jaialdiaren webgunean duzue.
