Dokumentuaren akzioak
XVIII. Dantza Topaketa ospatu dute Beasainen
Beasaingo kaleetan barrena ibili dira Errotxapea Dantzan, Adurtza eta Ortzadar Dantza Taldeetako dantzariak
XVIII. Dantza Topaketa ospatu dute gaur, Beasainen, Loinatz Jaien azken egunean. 10:45ean hasi dute dantzariek ibilaldia, eta Kale Nagusian zehar ibili dira 11:30etatik aurrera. Bideluze Plazan amaitu dute goizeko saioa, 13:30ean. Eguraldia lagun, Iruñeako Errotxapea Dantzan eta Ortzadar Dantza Taldeetako kideak ibili dira herria dantzaz janzten, Gasteizko Adurtza Dantza Taldeko kideekin batera.
Arratsaldean ere izango dute dantzatzeko aukera: 17:00etan, dantza poteoari ekingo diote Kale Nagusian zehar, Maialen Argote eta Irati Irurzun trikitilariek lagunduta. 18:00etan berriz, Basakana Tabernatik hasita, ”Azken Kalejira” egingo dute, Pergoletara iritsi arte.
Dokumentuaren akzioak
