Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka XV. Dantzari Festari gaur emango zaio hasiera Tlarla taldeko txikiekin

Dokumentuaren akzioak

XV. Dantzari Festari gaur emango zaio hasiera Tlarla taldeko txikiekin

Egilea
Gisela Crespo
Komunikabidea
Diario Vasco
Tokia
Hernani
Mota
Albistea
Data
2010/04/17
Urtero bezala, hernaniarrek Dantzari Festarekin hitzordu berezia daukate asteburu honetatik aurrera. Aurtengoan, gainera, hamabosgarren ediziora iritsi da ekitaldia. Gaurtik hasita eta hurrengo larunbata arte, apirilak 24, herrian zehar dantza eta musika emanaldi interesgarriak eskainiko dira. Horien artean, Ttarla dantzari txikien ikuskizuna dago. Gaur burutuko da herrian eta berarekin emango zaio hasiera Dantzari Festari. Horretaz gain, hurrengo egunetan euskal janzkien erakusketa ere abian izango da eta, noski, hainbat eta hainbat dantza ikuskizunekin primeran pasako dute bizilagunek. Bestetik, erromerien eskutik herrian sortuko den giro ezin hobeaz gozatzeko aukera izango dute hernaniarrek.
Gaurkoari dagokionez, esan, txikienen txanda izango dela. Izan ere, eguerdiko hamabietatik aurrera Ttarlaren dantzari txikiak erdiguneko kaleetan zehar egongo dira euren emanaldiarekin jendea animatuz. Bigarren irteera ere egingo dute arratsaldean. Honetan Ttarla dantza taldeko haurrekin batera Egoipar Meakako Irungo dantzariek ere parte hartuko dute. Baita Donostiako Eskola dantza taldekoek, Trebeska, Astigar eta Ereintzako dantzariek ere. Eguna borobiltzeko, arratsaldeko terdietatik aurrera erromeria ospatuko da Hernaniko kaleetan zehar. Gazteizko txistulariek, Adurtza taldea, ikuskizuna eskainiko dute.

EGITARAUA

Gaur: Eguerdiko hamabi eta erdietatik aurrera, Ttarla Dantzari Txikien irteera eta dantza emanaldia ikusi ahal izango da erdiguneko kaleetan. Euria egingo balu, Atsegindegin. Arratsaldeko bostetan dantzari txikien irteera burutuko da. Arratsaldeko zazpi t'erditan, azkenik, erromeria ospatuko da herriko kaleetan zehar.
Bihar: Goizeko hamaiketan, kalejira eta dantza ekitaldia ikusi ahal izango da Hernaniko auzo eta kaleetan zehar. Euria egingo balu, Biteri Kultur Etxeko areto nagusian izango litzateke. Bertan Gipuzkoa, Araba, Bizkaia, Nafarroa Garaia eta Behera eta Lapurdiko dantzariek parte hartuko dute. Eguerdi ordubata terdietan, dantza talde guztien Ikurriñaren dantza Gudarien plazan. Arratsaldeko hiruretan, bazkaria, eta arratsaldeko seietan, bukatzeko, erromeria.
Apirilak 19, 20, 21, 22 eta 23: Arratsaldeko bostetatik zortzietara, euskal jantzien erakusketa Biterin Kultur Etxean.
Apirilak 21, asteazkena: Arratsaldeko zazpitan, hitzaldia Biterin. Gaia 'Baserritarren janzkerak' izango da, eta hizlaria, berriz, Ramón García.
Apirilak 23, ostirala: Arratsaldeko sei t'erditan erromeria egongo da plaza Berrin. Xan Iparragirre Ezpeletako txarangaren ikuskizuna izango da nagusi. Euria egingo balu Udaletxeko arkupetan ospatuko litzateke.
Apirilak 24, larunbata: Eguerdiko hamabietatik aurrera erromeria egongo da Hernaniko kaleetan zehar. Arratsaldeko zortzitan, Burrunka dantza taldearen emanaldia Biteri Kultur Etxeko areto nagusian.
XV. Dantzari Festari gaur emango zaio hasiera Tlarla taldeko txikiekin

Ikuskizun ederra. Aurten ere hernaniarrek dantza emanaldi ikusgarriez gozatzeko aukera izango dute. :: GISELA

Dokumentuaren akzioak