Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Xabier Egañak egindako bi horma-irudi zahar topatu dituzte Donapaleun

Dokumentuaren akzioak

Xabier Egañak egindako bi horma-irudi zahar topatu dituzte Donapaleun

Egilea
Dorleta Agiriano Lai
Komunikabidea
Zarauzko Hitza
Mota
Albistea
Data
2021/02/12
Lotura
Zarauzko Hitza
(ArtEgaña)

Donapaleuko (Behe Nafarroa) komentu frantziskotar zaharrean berraurkitu dituzte bi lanak. 1970eko hamarkadan egin zuen bata, eta 1999an bestea.

2015. urtean egin zituzten Donapaleuko (Behe Nafarroa) komentu frantziskotar zaharra berritzeko lanak eta, antza, ezkutatuta geratu ziren Xabier Egaña margolari zarauztarrak egindako bi horma-irudi handi. Gaur egun, Done Jakue bidearen barruan, museo modura erabiltzen da lehen komentua zena, eta ArtEgaña elkarteak otsailean jakinarazi duenez, orain berraurkitu dituzte Egañaren bi artelanak.

ArtEgañako kideen arabera, horma kareztatuen gainean margotu zituen biak Egañak, 1970eko hamarkadan bata, eta 1999an bestea. Dantza zuberotarrak irudikatu zituen aurrenengoan; bigarrengoan, aldiz, "gai erlijiosoa eta laikoa landu" zituen, "kontakizun bisual moduan, bizitzaren ibilbideari ikuspegi metaforiko-filosofikotik helduz". Martxan dira bi margolanak berreskuratzeko lanak.

Dokumentuaren akzioak