Dokumentuaren akzioak
Urteko azken erromeria egin dute Aristerrazun
Patxo Aiorgaren eta Joseba Zabaloren trikiti doinuetara, igande arratsaldea dantzan igaro dute Aristerrazuko plazara bertaratu diren dozenaka herritarrek. Hurrengo erromeria urtarrilaren 6an izango da, Errege egunez.
Oholtza gainean Patxo Aiorga eta Joseba Zabalo soinu eta panderoarekin, eta dozenaka herritar haien doinuetara dantza egiteko gogoz. Bi osagai horiek batuz gero, festa ziurtatuta egoten da, eta atzokoan ere halaxe gertatu zen Aristerrazuko plazan. Hiru orduko saioa eskaini zuten trikitilariek, eta atsedenik hartu gabe, jo eta su aritu ziren han bildutakoak.
Hurrengo erromeria urte berriarekin etorriko dela jakinarazi dute antolatzaileek, urtarrilaren 6an, Errege egunez, hain zuzen.
Dokumentuaren akzioak
