Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Urtea borobiltzeko, egun osoko plana dute dantzazaleek, AIKOren eskutik, bihar

Dokumentuaren akzioak

Urtea borobiltzeko, egun osoko plana dute dantzazaleek, AIKOren eskutik, bihar

Plateruenean

Hitzordu berezia daukate, AIKOzaleek, bihar, Durangoko Platerueanean. Plateruenean hilero antolatzen duten erromeria tradizionalaz gainera, Durangon zehar kalejira ere burutuko dute. AIKO taldearen 'Soken dantza' izeneko azken diskoko kantak zuzenean joko dituzte, dantzazaleen gozagarri.
Komunikabidea
Anboto
Mota
Albistea
Data
2013/12/13
Lotura
Anboto

Durangoko Andra Mari elizpean, 13:00etan da dantzazaleentzako hitzordua. AIKO taldeak sokadantza eskainiko du bertan, eta horik Plateruenera arte joango dira dantzazaleak kalejiran. Egun guztirako proposamena izango da, biharko Plateruenekoa. Bazkari herrikoian batu eta gero, Soken dantza disko berriko doinuak eskainiko dituzte AIKO taldeko musikariek. Gitarra klasikogaz, akustikoagaz zein elektrikoagaz interpretatuko dituzte, Alvaro Garcia AIKO taldeko gitarristak konposaturiko kantak. Deneriko dantzarako erritmoak eskainiko dituzte Platerueneko erromerian: jotak, porruak, valsak, polkak, tangoak, jauziak, habanerak eta mazurkak, etab.

Eguna borobiltzeko, Bizkaiko Gaiteroak ariko dira, 20:00etatik aurrera, Plateruenean, eta "goateke tradizional" batekin jarraitu ahalko dute gura dutenek, 22:00etatik aurrera.

Dokumentuaren akzioak