Hemen zaude: Hasiera Hemeroteka Unai Elorriagaren gidoia oinarri duen dantza ikuskizuna, Durangon

Dokumentuaren akzioak

Unai Elorriagaren gidoia oinarri duen dantza ikuskizuna, Durangon

Komunikabidea
anboto.org
Mota
Albistea
Data
2012/06/06
Lotura
anboto.org

Edu Muruamendiarazen zuzendaritza eta koreografian oinarrituta sorturiko lana da Burnia, eta Fernando Velazquezen musikagaz eta Unai Elorriagaren gidoiagaz burutu dute. Ekainaren 8an, 22:00etan, San Agustinen eskainiko dute.

 

Bilbo inguruan eta Bizkaian hain zabaldua egon zen burdinaren industriari egiten dio erreferentziaBurnia ikuskizunak. Labe garaietan landutako burdinak bizitzako zenbat esparrutan eragin zuen gogoetatzen dute: itsasontziak, trenak edota zubiak ezeze, “gure burmuina ere burdinazkoa da”, obraren aurkezpen orrian dakarrenez. Hamar dantzarik jarduten dute Aukeran taldeak prestatutako ikuskizunean.

 

Donostian, 1997an sortu zuten Aukeran taldea, eta tradiziozko dantza abiapuntu hartuta, lengoaia berriak sortu guran ibiltzen dira. Bestelako adierazpideak lantzen dituzte euskal dantzaren aberastasuna erakusteko.

 

Asteburu honetan Gernika-Lumon eskaini dute Burnia. Durangokoa, Euskal Astearen egitarauaren barruan eskainiko dute. Eta azaroan bueltatuko dira eskudaldera, Elorriora. 

null

Dokumentuaren akzioak