Dokumentuaren akzioak
Udala: “Torrekua eraikinean ostatu bat ezartzea proposamen bat baino ez da”
Torrekuari emango zaion erabilpenaren inguruan sortu diren eztabaiden harira, Errenteriako Udalak erantzun du “Torrekua eraikinean ostatu bat ezartzea proposamen bat baino” ez dela. Zentzu horretan, eraikin horretarako egiten den proposamena Plan Estrategiko oso batean kokatu behar dela adierazi du, eta “erabaki hori ez du Errenteriako Udalak alde bakarrez hartuko, parte hartzen duten eragileekin baizik”. Horrenbestez, gai hori 2025 Plan Estrategikoaren bileretan aurkeztu dutela zehaztu du.
Bestetik, Euskal Jantzien Museoa Errenteria-Oreretan egotea dela udalaren nahia esan du, eta horretarako bi kokapen proposatu ditu: San Marko gotorlekua, eta Kapitan-Enea: “Lehenak baldintza bikainak eskaintzen ditu jaso dezakeen bisitari kopurua dela eta. Bigarrena erdialdean dago kokatua, eta San Markori ikusi ahal zaizkion irisgarritasun arazoei irtenbidea litzateke”.
Ostatua Torrekuan egitea proposatu du udalak “erdialdean ez dagoelako ezaugarri horiek bete ditzakeen beste eraikin edo kokalekurik. Beraz, Euskal Jantzien Museoa egiteak ostatuaren ideia baztertu beharra dakar”. Hori horrela ateraz gero, Errenteria bi proiektuekin geratuko litzatekeela nabarmendu du.
Dokumentuaren akzioak
