Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Udaberri eta Argentinako dantzarien emanaldi berezia bihar eguerdian

Dokumentuaren akzioak

Udaberri eta Argentinako dantzarien emanaldi berezia bihar eguerdian

Ekainaren 24ean ikusi genituen azken aldiz dantzan Udaberriko kideak Tolosan. Lau aste geroago berriz arituko dira etxean, plaza Zaharran, hain zuzen. Bihar eguerdian emanaldi berezi bat ospatuko bait da bertan. «Gau Giroko egitarauaren barruan sartzen den ekitaldi honetan ez gara bakarrik arituko. Argentinako Necochea hiritik, Euskal Herrian barrena beren dantzak eskaintzera etorriko dira hainbat dantzari, eta zapalduko dituzten oholtzen artean, Tolosakoa izango da» diote Udaberritik.
Egilea
I.M.
Komunikabidea
Diario Vasco
Tokia
Tolosa
Mota
Albistea
Data
2013/07/19
Lotura
Diario Vasco

Necochea Euskal Etxeko taldea denez, Argentinako folklorea eta euskal folklorea eskainiko dituzte plaza Zaharreko taula gainean, eta beren emanaldiak saioko zatirik nabarmenena hartuko duen arren, Udaberriko kideak ere astinduko dituzte oinak.

Biharko saioa, beraz, 12.00etan hasiko da. Honakoak izango dira Necocheako dantzariek eskainiko dituzten dantzak: Aurreskua, Chacarera (Argentinako dantza), Zamba (Argentinako dantza),Zuberotar maskarada, Makil-Dantza, Ezpata-Dantza, San Migel, Musikaren tartea, Arku-Dantza eta Fandangoa eta Arin Arina.

«Udaberriko dantzariok, berriz, Arratiako, Bizkaia, Jota eta Porrue, Kaxarranka eta Lapurdiko Inauterietako dantzak eskainiko ditugu» adierazi digute. Emanaldia amaitu eta gero, bazkaria egingo dute guztiok batera. Azkenik, aipatzekoa da, Necocheakoek, datozen egunetan, Donostiako Gros auzoan, Pasaian, Bergaran, Soraluzen eta Lemoan eskainiko dituztela emanaldiak.

Udaberri eta Argentinako dantzarien emanaldi berezia bihar eguerdian

Udaberrikoak ez dira bihar bakarrik arituko plaza Zaharran. :: KLISK

Dokumentuaren akzioak