Hemen zaude: Hasiera Hemeroteka Udaberri dantza taldea Belgikako Volsskunstweek jaialdian dago

Dokumentuaren akzioak

Udaberri dantza taldea Belgikako Volsskunstweek jaialdian dago

Europar dantza ugari ikus ahal izango da Euskal Herriko dantza tradizionalak eskainiko dituzte festibal honetan

Komunikabidea
Diario Vasco
Tokia
Tolosa
Mota
Albistea
Data
2008/08/08
Udaberrikoek euskal kulturaren erakusgarri den dantza tradi-zionalak eskainiko dituzte Sint Niklaas inguruan, hauetaz goza dezaten. Festibala bihar hasten da eta datorren ostirala bitartean iraungo du. Bertan egunean bat edo bi emanaldi eskainiko dituzte, Dantzari dantza, Xuberoako maskarada, Gipuzkoako dantzak... izango dira tolosarrek dantzatuko dituzten dantza batzuk.


 

Sendotzen

Azken urte hauetan taldeak izan duen sendotzeari esker, posible izango da bidaia hau, taldeko bozeramaileek diotenez. Azken urteotan, Kataluniara egin dituzte bidaiak nagusiki eta taldekide gehienak nazioartera dantzatzera egingo duten lehen bidaia da, Udaberriren azken nazioarteko bidaia 2001. urtean Portugalera eginikoa baita. Jadanik 50 urte dituen talde honek aurrera egiteko pauso sendoak ari da erakusten.
Udaberri dantza taldea 1957.urtean sortu zen, beraz, pasa den 2007. urtea oso berezia izan zen taldearentzat, 50. urteurrenarena alegia. Urrezko ezteiak ospatzeko hainbat eta hainbat ekitaldi burutu ziren urtean zehar. Azpimarra-tzekoak, argazki erakusketa, dan-tzari txiki eguna eta erromeria, belaunaldien eguna, Gualbara bidaia, bertso afaria, emanaldi berezia Beotibar pilotalekuan, lokal berriarren inaugurazioa... Abenduaren 28an iritsi zen urteurreneko azken ekitaldia, dantza taldearen emanaldi berezia. Leidor aretoan burutu zen. Oroigarri bana eman zitzaien taldearekin erlazio berezia izan duten elkarteei: Udala, Musika Banda, Tolosako Udal Txistu Taldea, C.I.T, Galdakaoko dantza taldea, Oinkari, Alurr, Euskal Dantzarien Biltzarra eta Udaberriko sortzaileak diren Felix Garmendia eta Xalbador Galdona.

Udaberri dantza taldea Belgikako Volsskunstweek jaialdian dago

Dokumentuaren akzioak