Hemen zaude: Hasiera Hemeroteka Txikienen dantzak nagusituko dira Tolosako kaleetan larunbat honetan

Dokumentuaren akzioak

Txikienen dantzak nagusituko dira Tolosako kaleetan larunbat honetan

Komunikabidea
Diario Vasco
Tokia
Tolosa
Mota
Albistea
Data
2009/04/02

Dantzari Txikien txanda izango da larunbat honetan Tolosan, egun osoan zehar, eta gauean, urtero bezala, erromeri irekia izango da helduentzat.

Jada laugarren urtea da aurtengoa, Udaberri Taldeak antolatutako Dantzari Txikiarentzat. 2005. urtekoaren antolakuntza ederki joan zela ikusita, urtez urte dan-tzari txikiaren formatoa hobe- tzen aritu dira Udaberriko taldekideak. Larunbat honetan honako talde hauek egongo dira: Arabatik Gasteizko Adurtza eta Eguzkilore dantza taldeak, Bizkaitik Galdakaoko Andra Mari dantza taldea, Nafarroatik Otsagiko dan-tzariak, Lapurditik Hendaiako Guria dantza taldea eta Gipuzkoatik Zumarragako dantzari txikiak izango ditugu Tolosako kaleak alaitzen. Horretaz gain, Udaberri Dantzari Taldeko dantza ikastaroetan ikasturte osoan zehar dan-tzan diharduten 150 haur eta gaztek ere parte hartuko dute.
Dantza talde guztiak 10:00etan bilduko dira plaza Zaharrean eta 10:30ean hamaiketakoa banatuko da dantzari guztientzat. Alde Zaharra eta inguruak alaitze aldera, talde bakoitzak ibilbide desberdina izango du. Eguerdiko 12:30 aldera, kalejira guztiak Trianguloan bilduko dira, eta oraingoan guztiak kalejira bat osatuz, plaza Berrira jaitsiko dira, goizeko dan-tzei amaiera emateko.
Udaberriko kideek esaten dutenez, «goizeko kalejira amaitu ondoren, aurreko urteetan kanpoko haurrak Udaberriko haurren etxeetan banatzen ziren bazkaltzeko. Aurten, dantza taldeetako haur eta gazteen arteko harremanak sustatzeko, antola-tzaileek dantzari txikiak elkarte gastronomikoetan banatzeko ideia izan dute.
Hau aurrera eraman ahal izateko, Udaberriko hamaika eta bat gurasoren laguntza ezinbestekoa izango da. Bazkalostean, 16.30etan bilduko dira dantzariak Plaza Berrian, emanaldi nagusiari 17.00an hasiera emateko. Talde bakoitzak bere tartetxoa izango du dantza-tzeko, eta emanaldi honekin, arratsaldeko 18:30ak aldera, Tolosako IV. Dantzari Txikiari amaiera emango zaio, datorren urtera arte.
Txikienen dantzak nagusituko dira Tolosako kaleetan larunbat honetan

Dokumentuaren akzioak