Bi urtez Santamas ospatu gabe egon ondoren, arrasatearrek ez dute hutsik egin Txerri Dantzarekin Herriko plazan. Adin guztietako arrasatearrek Txerri Dantza dantzatu dute ekitaldi hunkigarri batean. Herriko hainbat kultur taldek parte hartu dute, besteak beste, Arrasateko trikitilariek, Udalazpeko txistulariek, Arrasateko Gaiteroek, Goikobaluk, albokariek, txalapartariek, Lore Gazteak eta Arrostaitz.
Txerri Dantzaren aurretik Lore Gazteak eta Arrostaitz taldeek dantza ezberdinak dantzatu dituzte Herriko plazan. Lore Gazteak taldeak goizeko 11:30ean dantzatu du, eta Arrostaitzek eguerdiko 12:10ean.
