Trikitixa doinuen erritmora dantzan

Garai bateko erromeriak gogoan, Erromeria Eguna antolatu dute larunbatean

Elkartearen helburuetako bat Itziar eta inguruan egiten ziren erromeriak gogoratzea eta omentzea da. Horrekin batera, Antonio Buenetxea Txankarta soinujolea itziarrari omenaldia egitea da beste asmoa.

Egun handia larunbata izango den arren, ostiralerako hitzaldi bat prestatu dute: Soinu Handia Erromerian.

Larunbatean izango da erromeria, 18:00etan. Baina aurretik beste ekitaldi batzuk ere antolatu dituzte. Goizean goizetik, txistulariak, dultzainariak, joaldunak... ibiliko dira herriko kaleetan. Eguerdian, hamaiketakoa izango da, eta 14:30ean herri bazkaria egingo dute; ondoren, erromerian, bertso eskolako partaideen koplak abestuko dituzte.

23:00etan, erromeria egingo dute berriro trikitilariekin, herriko plazan.

ERROMERIA EGUNA

Noiz. Larunbatean.

Non. Itziarren (Gipuzkoa).