Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Tradizioa eta dantza garaikidea bat eginda 'Gazte' ikuskizunean

Dokumentuaren akzioak

Tradizioa eta dantza garaikidea bat eginda 'Gazte' ikuskizunean

Egilea
Mirari Altube
Komunikabidea
Goiena
Tokia
Aretxabaleta
Mota
Albistea
Data
2021/07/20
Lotura
Goiena

Oinkari dantza taldeak eta Hika Teatroak azken lana eskainiko dute eguaztenean, hilaren 21ean, plazan.

Uztailaren 2an Hondarribian aurkeztu ondoren, datorren eguaztenean Aretxabaletara iritsiko da Gazte, Oinkari dantza taldeak eta Hika Teatroak elkarlanean ekoiztutako ikuskizuna. Herriko Plazan izango da, 19:00etan –eguraldi txarra eginez gero, Iturrigorri frontoian–. "Dantza jendeari hurbiltzeko gogoz eta plaza girotzera" etorriko dira bi taldeak.

Euskal dantza abiapuntu izanda, dantza garaikidea eta modernoak eta gorputz mugimendua uztartuko dituzte ikuskizunean, ahotsari ere tokia eginda. Folklore-doinuak baztertu barik, oinarri elektronikoa duten erritmoekin dantzatuko dute, hip-hop ukituarekin eta elektronikak inguratuta. Agurtzane Intxaurragak zuzenduta, 17 eta 25 urte bitarteko hamabi dantzari izango dira oholtza gainean, Eneko Gil dantzariaren koreografiari jarraiki. Musikari dagokionez, zuzenean eskainiko dute Zigor DJak eta Eneko Dieguez saxofoi-jotzaileak.

Dokumentuaren akzioak