Tolosako Udaberri Dantza Taldea Kataluniara joan zen Euskal Herriko dantzak eskaintzeko

Gainera, larunbatean emanaldia eskaintzeaz gain, bidaia luzatu zuten asteazken goizarte, aprobetxatuz bertan zeudela.

Emanaldiari dagokionez, gaueko 22:00etan hasi zen, jaien hasierari eman zion pregoiaren ostean. Hango dantzariek ekin zioten 10 minutuko saioarekin, eta ondoren tolosarrak izan ziren protagonistak herriko plazan ordu erdi batean. Ziekoko dantzak egin zituzten lehenik taldeko neskek, Zuberoara abiatzeko ondoren, hango Xuletino dantzatzeko; Barrikada eta Godalet dantza ez ziren faltatu.

Ondoren, herritarrek berriz ere hartu zuten hitza dantzatzeko, azkenengo ordu erdia berriz ere Udaberrik izateko.

Dantzari-dantza egin zuten non Ikurrin-dantza, banangoa, launangoa eta txakarrankua izan ziren ikusgai. Amaitzeko, nola ez, Gipuzkoako dantzak eskaini zituzten. Neskak hasi ziren saltokakoa eta soinu zaharrekin. Ondoren, mutilek hartu zuten lekukoa eta ezpata dantza egin zuten. Horrela, Zinta Dantza mixtoa egin zuten gero.

Amaitzeko, San Juan, Belauntxingo eta fandango eta arin-arin berria eskaini zuten. Ikuskizun honek, plaza betetzeaz gain, giro aparta lortu zuen herriko plazan, jende ugari gerturatu baitzen ikuskizuna ikustea. Horregatik, hango alkateak, eskertzeko, plater adornatu bat eta herriko eskultura bat oparitu zien taldekideei.

Aipatzekoa da baita ere bertako herritarren harrera taldeari. Igandeko bazkalosterarte herrian izan ondoren, autobusa Lloret de Marrera abiatu zen arratsaldea eta gaua bertan pasatzera, hurrengo egunean inguruko Aquapark batera joan behar baitzuten.

Gau aldean, berriz, Saloura joan ziren, hurrengo egunean, Port Aventura delako atrakzio parkean bidaia amaitzeko. Bidaia hau 50. urteurrenaren ekitaldietatik kanpo egon arren urte hau borobiltzeko ederki etorri da taldearentzat.