Tobera Musika-eskolaren Dantza-topaketa bihar

Astean zehar musika-tresnatako entzunaldiak izan dira kultura-etxean eta eskolan, gaur Korrika Kulturalean hartuko dute parte musika-eskolako kideek, eta igandean dantza-bikoteak eta txistulariek alaituko dute azoka-eguna. Ekintzarik inportanteena, ordea, biharkoa izango da.

Tolosako Udaberri Dantza-taldeko eta Legazpiko Korosti Dan-tza-taldeko kide helduak eta Toberako nagusien taldekoak izango dira biharko dantza-topaketako partaideak. Ekitaldiaren aurkezpena Aitor Zabaleta herritarrak egingo du.

Udaberri Dantza-taldea esperientzia handiko eta ibilbide emankorreko dantza-taldea da, 50 urte baino gehiagoko elkartea izaki. Herrialde askotan ibilitakoa da (Fran-tzia, Portugal, Belgika...) eta sari ugari jasotakoa. Euskal Herriko dantza tradizionalak eta euskal kultura zabaltzen saiatu izan da hasiera-hasieratik, eta horretan jarrai-tzen du gaur egun ere.

Korosti Dantza-taldea, berriz, 1982an haur, ume eta gaztetxoen-tzako talde bat izateko xedez eratu bazen ere, 90. hamarkada hasieratik aurrera nagusien taldea batu zi-tzaion elkarte honen eskaintzari. Hortik aurrera, hainbat izan dira taldeak Euskal Herritik kanpora ere egin dituen erakustaldiak: Bartzelonan, Galizian, Burgosen, Portugalen edota Frantzian, esate baterako.

Lehenengoek dantza tradizionalak egiten dituzte batez ere, eta bigarrengoek bide berriak ere uztartu dituzte. Hortaz, Zegamako saioan gure ohitura sakonenek eta egungo aldaera berriek bat egingo dute, beti ere euskal dantzen urratsak oinarrian daudela. Zegamako dantzariak tarteko izango dira, 60tik gora kide batuko dituen euskal dantzen festan lagun.

Toberak 2009an hartu zuen parte lehen aldiz dantzari txiki egun batean, Tolosan. Aurten, apirilaren 17an Legazpikoan izango da eta ekainean Segurakoan. Maiatzaren 24an musika-eskolak Astigarragan eskainiko duen kontzertuan ere dantzariak arituko dira. Izan ere, gorpu-tza hartu duen mugimendua izan da dantzarena Zegaman, Toberak horretarako egindako ahaleginak lagunduta. Ikasturte honetan, 70 ikasle dira dantzan trebatzen ari direnak, eta mailak gora egin du nabarmen azken urteotan. Askok gogoan izango dute oraindik duela urtebete juxtu eskainitako Akelarrean dantza-ikuskizun arrakastatsua.