Hemen zaude: Hasiera Hemeroteka The Tokyo Ballet, 40 urteko ibilbidea duen Japoniako dantza talde ospetsua, Baluarten

Dokumentuaren akzioak

The Tokyo Ballet, 40 urteko ibilbidea duen Japoniako dantza talde ospetsua, Baluarten

Komunikabidea
Gara
Tokia
Iruñea
Mota
Albistea
Data
2008/05/30

Berrogei urteko ibilbidea duen talde hau Japoniako dantza konpainia esanguratsu eta aktiboena da. Bere zuzendaria den Tadatsugu Sasaki-ren helburu nagusia oinarri tekniko handia izango zuen talde bat sortzea izan zen, eta ekialdeko kultur sustraiak eta mendebaldeko errepertorioa antzezteko gaitasuna izango zuena. Euren herrialdean sartu zuten berrikuntzarik garrantzitsuena, hain zuzen ere, Europa eta Amerikako koreografo handiak gehitzea izan zen.

Gaur gauean Iruñean ikusi ahal izango den lanak bi zati ditu. Lehenengo atalean, «Bigaku» eta «Bhaktu III», Japoniako sustraiak dituzten bi lan ikusiko dira. Bigarren zatian, ordea, Indiako eragina duen «The Kabuki Suite» dantza egingo dute. Azken lan hau arrakasta handia jaso duen balleta da. Honetan, ekialdeko ipuin ezagunenetako baten bidez -47 samuraiena, zehazki- hango kulturako fintasun eta edertasun osoa jaso da. Hiru atal hauen bidez, The Tokyo Balletek erakutsi ahal izango du nola batu daitezkeen gaur egungo dantza eta tradizioa ikuskizun oso bat sortuz. Honen berri, 20 euroren truke, Baluarte Antzokian 20.00etatik aurrera.

Taldearen ibilbideari begirada azkar bat emanez, hasieratik ekialdeko eta mendebaldeko ikuskizunak landu ditu, bai antzinako tradizioaren parte zirenak eta baita gaur egungo koreografoenak ere. Maurice Bejarten nagusitasunaz gainera, Fokite, Petipa, Kylian eta Neumejeren lanak ere azpimarra daitezke.

Con la compañía japonesa The Tokyo Ballet se clausura la temporada en el Baluarte

La compañía japonesa The Tokyo Ballet será la encargada de clausurar hoy la temporada febrero-junio 2008 de la Fundación Baluarte. Lo hará con el programa «Imágenes de Asia», que incluye tres obras de Maurice Béjart (Marsella, 1927-Lausana, 2007) dos de raíces japonesas y una de inspiración india. Béjart fue el coreógrafo más importante de la segunda mitad del siglo XX, revolucionó la danza contemporánea y dejó su huella en muchos creadores de la actualidad.

Dokumentuaren akzioak