Dokumentuaren akzioak
Tantirudantza jaialdiak ehun dantzari baino gehiago bilduko ditu aurten ere apirilaren 26an
Tantirumairuko dantzariekin batera, Tolosa, Urnieta eta Lakuntzakoak ariko dira
Tantirumairu Euskal Folklore dantza taldeak Lesakako Udalaren laguntzaz antolatuta Tantirudantza jaialdia ospatuko da apirilaren 26an. Herriko Tantirumairu dantza taldeko neska-mutikoekin batera, Tolosako Udaberri, Urnietako Egape eta Lakuntzako Elai Alai taldekoak arituko dira.
Goizeko 11:00etan kalejira eginen dute taldeek bakoitzak bere aldetik. 12:00etan Zubigainekoa dantzatuko dute herriko dantzariek eta ondotik plazan bilduko dira lau taldeak saioa eskaintzeko. Kanpoko dantzariak herrikoen etxeetara joanen dira bazkaltzera eta arduradun eta musikariek elkarrekin bazkalduko dute. 17:30ean plazan Porru DJ-a haurrentzako erromeria izanen da. Euria eginen balu frontoian eginen da.
Tantirumairuko gaztetxoek Zubigainekoa dantzatuko dute igande eguerdian, plazako saioaren aitzinetik.
Dokumentuaren akzioak
