Talai dantzari moduan parte hartzeko gonbita luzatu diete herritarrei: «Izan neska edo mutil, nahiz zahar edo gazte, ondo pasatzeko aukera izango da!». Entsegua otsailaren 20an, astelehena, egingo dute Amezketako udaletxe azpian, 20:00etan. Saioak egingo dituzten egunetan, otsailaren 25ean eta 26an, hain justu, 08:00etan elkartuko dira udaletxe azpian.
DEIALDI BEREZIA
Bestetik, deialdi berezi bat zabaldu dute aurten talai dantzariek. «Aspalditik dugu Bedaio eta Amezketako talai dantzarien garai ezberdinetako jantzien berri (borladun txapel gorri eta gerriko, jantzi zuriak, gorbata…), baina sekula ez dugu jantzirik topatu. Zure etxeko ganbaran, jantzi hauetako bat edo jantzi hauen zati bat baldin baduzu, gustura jarriko ginateke zurekin harremanetan», zehaztu dute.
Beraien nahia, garai bateko jantzia ikusi, aztertu eta agian berreskurapenen bat egiteko proposamen bat edo batzuk osatzea da. Horrelako jantzi bat erakusteko prest dagoena, edota berreskurapen eta proposamen berriren batean talai dantzariekin parte hartzeko, beraiekin harremanetan jartzea eskertuko dute azaldu dute.
