BAD-Antzerki eta Dantza Garaikidearen Jaialdiaren esparruan, “eszena garaikidearen sortzaileek elkarren artean eta publikoarekin esperientziak trukatzeko aukera” izan dute sorkuntza garaikideari buruzko topaketetan.
XXVI. edizio honetako gaia hauxe izan da: “nola iritsi eta nola lan egin arrazoi ezberdinengaitik ingurune horretatik urrunago dauden kolektiboekin”.
BAD Bilbaoko zuzendaria den Alicia Otxandategi izan da bileraren buru. Hainbat konpainiek eszena garaikidearen mugak zabaltzeko egindako lana nabarmendu du.
Aurtengo hizlari nagusiak honako hauek izan dira: Doos Kolektiboko Eva Guerrero eta Jemina Cano; Oihana Varela, Camínate Proiektukoak; eta Mari Paula, Iara Solano Aranarekin batera. Sortzaile horiek lanak elkarlanean sortzeko prozesuetan esperientziak aurkeztu eta partekatu dituzte.
Doos Bilboko talde artistiko bat da eta dantza pertsona eta testuinguru gehiagotara hurbiltzeko proiektu batzuk ekoizten ditu. Emakumez osatua, dantza ikusten ohitzen ez diren pertsonekin konektatu nahi du. Eta hala, Guerrerok 65 urtetik gorako pertsonekin lan egiteko esperientzia nolakoa izan den azaldu du.
Camínate Proiektuako Oihana Varelak Plañideras pizaren esperientzia azaldu du jardunaldian. Lan horretarako, Otxarkoagako Aullidos Antzerki Komunitarioko Elkarteko kideekin elkarlanean arituko da gaur, astelehena, hilak 21, 19:00etan, Harrobian.
Azkenik, Mari Paulak eta Iara Solano Aranak Fronterizas: In-visible dantza lana aurkeztu dute. Joan den 2023an, Mari Paulak, Solano Aranarekin batera, ikusmen-urritasuna duten pertsonentzat nola egokitu ikertzen hasi ziren. Hainbat lan-saio egin ondoren, jendaurreko laburpen bat aurkezten da. Hala, 18:30ean, pieza hori ez ikusteko bertsio berezia izango da, non ikusle guztiak, itsu edo ikusmen txikiko pertsonak eta ikusmen arazorik gabeko pertsonak baldintza berdinetan egongo diren. Ondoren, 20:00etan, Fronterizas izango da piezaren jatorrizko bertsioa. Kasu bietan hitzordua Harrobian izango da hilaren 23an.
BAD-Antzerki eta Dantza Garaikidearen Jaialdia urriaren 27ra arte ospatuko da eta makina bat estreinaldi hartuko ditu.
