Sorginkeria, jukutriak eta dantzari buruzko erakusketa ikusgai Biarritzen

Aro modernoaren hasierako Europako mentalitateak ulertzeko atea irekitzea da erakusketaren helburua. «Sorginkeria, jukutriak eta dantzak. 1605-1615: Euskal Herria aro modernoan sartzen» deituriko erakusketa Claude Labat historialariak idatzi eta Markok ilustratu duen «Sorcellerie Manigances & Sarabandes» liburuan oinarritua da.

Irisarriko Ospitalea ondare heziketa zentroak egina, urtarrilaren 9az geroztik otsailaren 20ra erakusketa berezi hau bisitatzeko parada eskaintzen du Biarritzeko mediatekak. Mamia hobe ulertzeko, bisita gidatuak proposatuko ditu Claude Labat historialariak berak. Hain zuzen, hitzorduak finkatu dituzte jada urtarrilaren 16 eta 30rako, 14.30etatik 18.00etara frantsesez. Antolatzaileek diotenez, euskaraz ere bisitak egiten ahalko dira.

Bisitetan parte hartzeko izena eman daiteke 05.59.22.28.86 zenbakira deituz.