San Migel jaien bigarren eguna dute gaur Iruran. Gazteen festa eguna da eta haiek abiatu dute jai egitaraua 09:00etan. Plazatik abiatuta baserriz baserri ibili dira puska biltzen. 13:00 aldera iritsi dira herriko plazara eta dantza-soka egin dute bertan. Sokara lotu dira gazteekin batera, belaunaldi ezberdinetako irurarrak.
Haurren eta gazteen bazkariekin jarraituko du jai egunak eta arratsalde-gau partean musika izango da protagonista. Haurrentzako parkea ere izango da zabalik ikastolako eremuan 18:30 arte.
Gaurko egitaraua:
- 14:00. Haurren bazkaria elizako arkupetan.
- 14:30. Gazteen bazkaria.
- 15:30-18:30. Haur-parkea ikastolako eremuan.
- 17:00-20:00. Beldur barik gunea San Migel plazan.
- 18:30. Poteo musikatua Xaukena elektro-txarangarekin.
- 23:30. J. Martina eta Olgetan taldeen emanaldia San Migel plazan.
Bihar jarraituko dute sanmigel jaiek eta eten baten ostean datorren ostiralean itzuliko da jai egitaraua. Hemen prestatu dutena.
