Hemen zaude: Hasiera Hemeroteka Soka dantza Zubietan Santio egunez

Dokumentuaren akzioak

Soka dantza Zubietan Santio egunez

Egilea
Josu Aranberri
Komunikabidea
Diario Vasco
Tokia
Usurbil
Mota
Albistea
Data
2011/07/27
Lotura
Diario Vasco
Soka dantza izan zen eguneko ekitaldi nagusia. Ohitura zahar hau berreskuratu zutenetik Zubietako errebote plaza izan da soka dantza egiteko aukeratutako lekua. Aurte, ordea, eta iazko jaietan bezala, euriaren ondorioz pilotaleku estalian eskaini zuten zubietarrek beren soka dantza. Bertan ziren hamaiketakoa egitera bildu ziren jubilatuak, baita Donostiako txistulari banda ere.
Hauen doinuei jarraituz azken asteetan entsaiaturiko dantza eskaini zuten beste behin ere. Orain dela urte asko soka-dantza egiten omen zen Zubietan. Donostiako alkatea bera ere etortzen omen zen. Hala ere, 50 urte ingurun ez zen dantza hau ikusi Zubietako Santio jaietan. 1997. urtean, ordea, ohitura zahar hau berreskuratzea lortu zuten eta orduz geroztik jai hauetako ekitaldirik garrantzitsuenetako bat bihurtu da zubietarrentzat.
Ondoren, egunean zehar ere beste hainbat ekitaldi izan ziren eta datozen egunetan ere Zubietako Santio jaiek jarraipena izango dute.

Dokumentuaren akzioak