Aurtengo Corpusak bereziak izan dira, izan ere, Jesus Irizar Txutxin jai honen erreferente nagusia falta izan baita lehenengoz. Hilabete da dantza maisua zendu zela, eta, atzo, domeka arratsaldeko dantza saioan omendua izan zen.
Saioaren amaieran egiten duten soka dantza herritar guztientzat zabaldu zuten, eta herriko plaza txiki gelditu zen. Jende askok parte hartu zuen soka dantzan, dantzari ohiak, lagunak, senitartekoak eta Txutxin omendu nahi izan zuten herritar guztiak. Behin dantza saioa amaituta, udaletxeko kontzejupean txalo zaparrada, besarkada eta negar artean omendu zuten Txutxin. Emozioz beteriko unea izan zen hori. Horrela eman zioten amaiera 2024ko Coprus jaiei.
