Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Soka-dantza, Ezpalak dantza jaialdiaren protagonista

Dokumentuaren akzioak

Soka-dantza, Ezpalak dantza jaialdiaren protagonista

Gaur Eibarren eta bihar Iruñean ospatuko da Ezpalak Dantza Tradizionalaren Nazioarteko Jaialdia

Iruñeko Duguna Dantza Taldeak eta Eibarreko Kezka Dantza taldeak antolatuta, gaur eta bihar burutuko da Ezpalak Dantza Tradizionalaren Nazioarteko Jaialdia. Aurreko edizioetan ez bezala, jaialdiak Eibarren izango du lehenengo geldialdia gaur, eta bihar iritsiko da Nafarroako hiriburura. Aurten, soka-dantzak izango dira protagonista.
Egilea
M.M.P.
Komunikabidea
Noticias de Navarra
Mota
Albistea
Data
2015/05/30
Lotura
Noticias de Navarra

Antolatzaileek azaldu bezala, “elkarri eskuak emanda osatzen dugun soka, katea, esku-dantza da aurtengo Ezpalak jaialdia lotuko duena. Dantzarako oinarrizko egitura, mundu zabalean eta historian behin eta berriz erabili dena, eta Euskal Herrian gure plaza eta erromerietako dantza nagusia izan den orain gutxi arte”. 

Ankara (Turkia), Garai (Bizkaia), Lekorne (Lapurdi), Larrea (Araba), Añorga (Gipuzkoa), Iruñea (Nafarroa) eta Eibarko (Gipuzkoa) soka-dantzak ikusteko aukera eskainiko du Ezpalak jaialdiak aurten.

Iruñeko jaialdia, bihar eskainiko dena, 12.30ean hasiko da Burgoen Plazan, ordu laurden bat lehenago ospatuko den kalejiraren ondoren. Bertan, Duguna dantza taldea, ·Garaiko dantza taldea (Garai, Bizkaia), Urtsuko Xoriak (Lekorne, Lapurdi), Cinar Elkartea (Ankara, Turkia) eta Añorgako dantzariak (Añorga, Gipuzkoa) taldeek osatuko dute dantza emanaldia.

Dokumentuaren akzioak