Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Soinu Zahar Txapelketako oroigarria eskaini dio Izar Etxeberriak Udalari

Dokumentuaren akzioak

Soinu Zahar Txapelketako oroigarria eskaini dio Izar Etxeberriak Udalari

Urtebetez, Etxeberriak lortutako garaikurra Oiartzunen egongo da

Izar Etxeberria Arruabarrena dantzari oiartzuarrak Euskadiko VII. Soinu Zahar Txapelketa irabazi du eta ostiralean, Nekane Maritxalar Pasai Antxoko Alkarkide dan-tza taldeko ordezkariak eta Juanra Cano Pasaiako Kultura zinegotziak Tomas Muruak egindako oroigarria eman zioten Oiartzungo udaletxean.
Egilea
Goizarin
Komunikabidea
Diario Vasco
Tokia
Oiartzun
Mota
Albistea
Data
2014/02/12
Lotura
Diario Vasco

Ohitura denez, dantzariak herriko udaletxeari eskaini dio bere oroigarria: Asier Legorburu Kultura zinegotziak jaso zion esker onez. Urtebetez, Oiartzungo udaletxean egongo da Etxeberriaren garaikurra. Datorren urtean, Soinu Zahar Txapelketa irabazten duen dantzariak bere herrira eramango du irabazlea irudikatzen duen ikurra.

Etxeberriak hirugarren aldia izan du Soinu Zahar Txapelketan parte hartzen zuena, eta lehenengoz irabazi du. Txapelketan oiartzuar gehiagok ere hartu dute parte: Izar Aizpuruk, Udane Eskuderok eta Maddi Nazabalek, esate baterako. Horiek hirugarren, seigarren eta bederatzigarren postuak lortu dituzte.

Izar Etxeberria 18 urte dituen dantzari oiartzuarra da. Elizaldeko dantza taldean hasi zen dantzan zazpi urterekin eta ordutik, dantzarako abila dela erakutsi du. Duela zazpi urtetik hona, Donostiako Eskola taldean dantzatzen du. Etxeberria, gaur egun, Pedagogia ikasketak egiten ari da.

Soinu Zahar Txapelketako oroigarria eskaini dio Izar Etxeberriak Udalari

Asier Legorburu, Izar Etxeberria, Juanra Cano eta Nekane Maritxalar.

Dokumentuaren akzioak