Hemen zaude: Hasiera Hemeroteka Sarriren poesian oinarritutako dantza ikuskizuna, Tanttaka eta Kukairekin

Dokumentuaren akzioak

Sarriren poesian oinarritutako dantza ikuskizuna, Tanttaka eta Kukairekin

Komunikabidea
Gara
Tokia
Gasteiz
Mota
Albistea
Data
2008/05/09

Taldekideen hitzetan, azken lan honetan dantza erabiliko dute hizkuntza nagusi gisa eta poesia «bidaide banaezin legez» gizakiaren harremanak taularatzeko. Horretarako, Joseba Sarrionandiaren poesia iradokitzaile eta narraziozkoaz baliatuko dira, idazleak sortutako unibertsoa aintzat hartuz. Horrez gainera, Iñaki Salvadorren musika eta Jon Mayak egindako koreografia erabiliko dute. Dantzari bezala, Jon Maya, Alain Maya, Eneko Gil, Ibon Huarte, Urko Mitxelena, Vanesa Castaño eta Nerea Vesga arituko dira Mireia Gabilondoren zuzendaritzapean. Tanttaka eta Kukaikoek ikuskizun sakabanatu batzuk eskainiko dituzte hurrengo hilabeteetan; hala, hilaren amaieran Zornotzan edo ekainean Durangon eta Zumarragan.

Hala ere, lan honen estreinaldi nagusia uztailerako iragarri dute, Donostiako Antzerki Azokaren barruan. Hitzordu hori urte osoan zehar Tanttakoek 25. urteurrena ospatzeko egin dituzten ekintzen barruan sartuko da.

p047_f02_97x76.jpg

Dokumentuaren akzioak