Dokumentuaren akzioak
San Tiburtzio egunean, denak plazan
Santiburtzioak Leitzan
Bigarren urtez jarraian, andreek eta gizonek dantzatuko dute ezpata dantza Leitzako festetan. Gazteen eguna egingo dute bihar
Santiburtzioetan murgilduta daude Leitzan (Nafarroa), eta gaur dute jaietako egun handia. Eguneko ekitaldirik berezienetako bat ezpata dantza izango da: hala diote herritarrek. Gainera, iaztik, bereziago bihurtu da, andreak gizonen pare aritzen baitira dantzan.
Nahia Barriolaren (Leitza, Nafarroa, 1993) ustez, herriko plazan egiten den ekitaldirik «garrantzitsuenetako bat» da ezpata dantza. «Pertsonalki, asko betetzen du: ezpata dantza egiten dugun guztiok une horretan izaten ditugun nerbioak eta jendaurrera ateratzeko izaten dugun gogoa oso handiak dira».
Aurrera dantza taldeak egin ohi du ezpata dantza, eta aldaketa, hain zuzen, hark bultzatuta etorri zen. Hala, dantza erakutsi zieten, eta plazara ateratzeko prestatu. «Urteak dira dantza taldeko jai batzordeko kideek eta dantza taldean parte hartzen dugun neska guztiek ezpata dantza ikasi eta plazan aritzeko gogoa azaldu genuela. Erantzun ona jaso genuen», nabarmendu du Barriolak. 40 lagun inguruk osatzen dute taldea, baina hamasei lagunen artean egiten dute ezpata dantza: iaz, zortzi andrek eta zortzi gizonek egin zuten.
Andreek parte hartuko ote zuten ez zuten erabaki egun gutxi lehenago arte, baina, ordurako, prest zituzten haien jantziak ere. Azkenean, urratsa egin zuten, eta eutsi egingo diote aurten. «Gustura» gelditu ziren herritarren harrerarekin. Barriolak adierazi duenez, izango da «ziurrenik» andreek ezpata dantza egitearen aurkakorik, baina oro har ondo hartu zituztela azpimarratu du: «Baten batek pentsa dezake ezpata dantza mutilek egin izan dutela beti eta neskek muturra sartu dugula: baina, oro har, bikain hartu gintuzten, modu oso positiboan». Aldaketa modu baketsuan gauzatu zen.
Herritarrek, harrera ona
Leitzako festetatik une horixe du kutunena. Eta, horrez gain, ezpata dantzariekin festetan izaten duten giroa azpimarratu du: «Egun guztian elkarrekin egoten gara, hamaiketakoan, bazkarian. Horrez gain, herri afaria ere oso polita izaten da».
Ezpata dantzaz gain, Leitzan badute beste bat, propioa: ingurutxoa. Hainbat alditan egin ohi dute festek iraun bitartean, eta parte hartzea irekia izaten da, oro har, Barriolak azaldu duenez. Bihar, esaterako, bitan egingo dute: arratsaldekoan, dantza taldekoek soilik egingo dute, eta 03:00etakoa nahi duen guztiarentzat izango da irekia. Gaur, esaterako, udal gobernuko zenbait zinegotzik parte hartuko dute, herritarrek hala eskatuta.
Atzo hasi ziren santiburtzioak Leitzan, eta, astelehenera artean, izango da zer ikusia eta zer egina. Bihar, esaterako, gazte eguna egingo dute, herri mugimenduak antolatuta. Goizean goiz, gaueko ajeak kentzeko, zumba saioa egingo dute, 09:00etan, eta, horren ondotik, gazte gosaria. Horrez gain, gazteentzako jokoak egingo dituzte herriko hainbat gunetan, 11:30ean.
Aldarrikapenerako tartea ere izango dute arratsaldean, manifestazioa egingo baitute, 20:00etan. Eta, horren ostean, musikak ez du etenik izango. Batetik, Iruindarock elektrotxaranga herrian barrena ibiliko da kaleak girotzen, eta beste hainbeste egingo dute Incansables txarangak eta buruhandiek, 20:30ean. Bestetik, Leihotikan eta El Diluvi taldeen kontzertuak izango dituzte plazan, 23:00etan. DJ Bullek jarriko ditu musika eta giroa plazako txosnan, 01:00etan hasita, eta Dodosounden emanaldia izango da, ordu berean, Atekabeltzen.
Nahia Barriolaren (Leitza, Nafarroa, 1993) ustez, herriko plazan egiten den ekitaldirik «garrantzitsuenetako bat» da ezpata dantza. «Pertsonalki, asko betetzen du: ezpata dantza egiten dugun guztiok une horretan izaten ditugun nerbioak eta jendaurrera ateratzeko izaten dugun gogoa oso handiak dira».
Aurrera dantza taldeak egin ohi du ezpata dantza, eta aldaketa, hain zuzen, hark bultzatuta etorri zen. Hala, dantza erakutsi zieten, eta plazara ateratzeko prestatu. «Urteak dira dantza taldeko jai batzordeko kideek eta dantza taldean parte hartzen dugun neska guztiek ezpata dantza ikasi eta plazan aritzeko gogoa azaldu genuela. Erantzun ona jaso genuen», nabarmendu du Barriolak. 40 lagun inguruk osatzen dute taldea, baina hamasei lagunen artean egiten dute ezpata dantza: iaz, zortzi andrek eta zortzi gizonek egin zuten.
Andreek parte hartuko ote zuten ez zuten erabaki egun gutxi lehenago arte, baina, ordurako, prest zituzten haien jantziak ere. Azkenean, urratsa egin zuten, eta eutsi egingo diote aurten. «Gustura» gelditu ziren herritarren harrerarekin. Barriolak adierazi duenez, izango da «ziurrenik» andreek ezpata dantza egitearen aurkakorik, baina oro har ondo hartu zituztela azpimarratu du: «Baten batek pentsa dezake ezpata dantza mutilek egin izan dutela beti eta neskek muturra sartu dugula: baina, oro har, bikain hartu gintuzten, modu oso positiboan». Aldaketa modu baketsuan gauzatu zen.
Herritarrek, harrera ona
Leitzako festetatik une horixe du kutunena. Eta, horrez gain, ezpata dantzariekin festetan izaten duten giroa azpimarratu du: «Egun guztian elkarrekin egoten gara, hamaiketakoan, bazkarian. Horrez gain, herri afaria ere oso polita izaten da».
Ezpata dantzaz gain, Leitzan badute beste bat, propioa: ingurutxoa. Hainbat alditan egin ohi dute festek iraun bitartean, eta parte hartzea irekia izaten da, oro har, Barriolak azaldu duenez. Bihar, esaterako, bitan egingo dute: arratsaldekoan, dantza taldekoek soilik egingo dute, eta 03:00etakoa nahi duen guztiarentzat izango da irekia. Gaur, esaterako, udal gobernuko zenbait zinegotzik parte hartuko dute, herritarrek hala eskatuta.
Atzo hasi ziren santiburtzioak Leitzan, eta, astelehenera artean, izango da zer ikusia eta zer egina. Bihar, esaterako, gazte eguna egingo dute, herri mugimenduak antolatuta. Goizean goiz, gaueko ajeak kentzeko, zumba saioa egingo dute, 09:00etan, eta, horren ondotik, gazte gosaria. Horrez gain, gazteentzako jokoak egingo dituzte herriko hainbat gunetan, 11:30ean.
Aldarrikapenerako tartea ere izango dute arratsaldean, manifestazioa egingo baitute, 20:00etan. Eta, horren ostean, musikak ez du etenik izango. Batetik, Iruindarock elektrotxaranga herrian barrena ibiliko da kaleak girotzen, eta beste hainbeste egingo dute Incansables txarangak eta buruhandiek, 20:30ean. Bestetik, Leihotikan eta El Diluvi taldeen kontzertuak izango dituzte plazan, 23:00etan. DJ Bullek jarriko ditu musika eta giroa plazako txosnan, 01:00etan hasita, eta Dodosounden emanaldia izango da, ordu berean, Atekabeltzen.
Dokumentuaren akzioak
