Sahatsak larunbatean ospatuko du bere 30. urteurrena

Bertaratzen denak ondoko egitaraua izango du gozagai: 17:30etan Baztartxo antzokian bilduko dira Sahatsako kide eta kide ohiak, eta 18:00etan egungo taldeko partaideek jaialdia eskainiko diete kide ohiei. Ekitaldi hori doan izango da eta senide, lagun eta bertara hurbildu nahi duen edonorentzat ateak zabalik izango dira.

Jaialdiaren ostean taldekide eta Sahatsa kide ohiek, ohiturari jarraiki, txikiteo edo poteoa egingo dute eta ondoren afaria, trikitilariek lagunduta.

Afarian parte hartu ahal izateko Euskadiko Kutxan, 3035 0031 76 0310034001 zenbakian 40 euro sartzea beharrezkoa izango da.