'Romeo and Juliet' ballet obra emango dute Bilbon, Arriagan

Bi emanaldi izango dira Bilbon eta, era barean, bi dantzari ariko dira Julieten rolean. Natalia Balatxintxova azalduko da gaur Arriagako agertokian, eta bihar, berriz, Cristina Kretova. Romeorena jokatzen ere beste bi dantzari ariko dira: gaur, Sergei Vasjutxenko, eta bihar, Sergei Smirnov.

Dantzari horiek guztiak Kremlingo Balletekoak dira. 1990ean sortu zen ballet talde hori, eta azken 18 urteotan Andrei Petrov koreografoak zuzendu du. Gaur egun, hamahiru dantzari solista ditu taldeak, eta guztien artean munduko sari garrantzitsuak pilatzen dituzte.