Plazan eta kalean dantzan

Jendetsua, eguzkitsua, alaitsua... Espero bezalakoa izan zen atzo Errenterian Erromeria Eguna

Goizean goiz entzun ziren aurreneko soinuak, eta goizean goiz hasi ziren dantzan aurreneko erromeria zaleak. Eguzkia ere goizean goizetik hasi zen gogor jotzen, eta baten baino gehiagok jantziak arindo behar izan zituen erritmoari eutsi ahal izateko. Besteak beste, parte hartzaileen jantzi dotore eta zenbait kasutan orijinalak izan ziren Erromeria Egunaren ezaugarrietako bat. Aipatzekoa izan zen, halaber, haurren presentzia eta parte-hartze handia.

Dantzari trebeak asko ikusten ziren, baita hobetzeko dezente zeukatenak ere. Arreta handiz jarraitu zituzten horiek dantza maisuen aholkuak. Datorren urteko X. Erromeria Egunean beraiek izango dira agian irakasle.