Plaza dantzen ikastaroa etzi hasiko du Oinarinek Torresoroan

Bi egun baino ez dira falta Oinarin taldeak antolatutako plaza dantzen ikastaroa hasteko. Hiru hilabete iraungo du, uztailera arte, eta astean behin izango dira klaseak Torresoroako areto nagusian, marti-tzen iluntzeko zortzi eta erdietatik gaueko hamarretara.

Herriko jaietako erromerietarako gertu izango dira ikastaroan parte parte-hartzen dutenak. Norbaitek azken orduan izena eman nahi badu oinarindt@gmail.com e-mailera edota 648-067986 ala 690-650106 telefono zenbakietara jo dezake. Lehenbailehen komeni da.

Mikel Arregi, hirugarren

Mikel Arregi txirrindulari junior antzuolarrak hirugarren sailkatu zen atzo Deban Ulmako bere taldekide Xabier Murgiondok irabazitako Amaikak Bat sarian. Minutu bat eta 52 segundora sailkatu zen antzuolarra. Tartean sartu zitzaien Arturo Gravalos (Asesores de Navarra).