Dokumentuaren akzioak
Plaza dantzen ikastaroa berriz ere martxan da
Urriaren 6an hasiko du Udaberrik “lagun arteko giroa” ikur duen ikastaro hau Tolosako Usabal kiroldegian
tOLOSA - Garai bateko erromeriak berreskuratu eta jendeak plazetan dantza egiteko lotsa alde batera uzteko nahiak sortu zuen Udaberriren plaza dantzen ikastaroa. Aurten ere martxan jarriko dute eta izen-ematea dagoeneko zabalik da.
Fandangoa eta arin-arina baino zerbait gehiago ere ikasiko dute ikasleek: Lantzeko inauterietako dantzak, polkak, Zazpi jausiak, edo Larrain dantza, esaterako. “Hainbat belaunalditako gizon-emakumeak bertaratzen dira saioetara, eta harreman-sare berriak sortzeko lekua ere izaten da, lagun arteko giroan”, azaldu dute Udaberri dan-tza taldetik.
Urriaren 6an hasiko dira berriz ere plaza dantzen eskolak. Astean behin izango da hitzordua; zehazki, astearteetan 20.30etik 21.30era, Usabal kiroldegiko entsegu gelan. Urteko kuota hamar eurokoa da, hilean, baina, langabetu nahiz ikasleek bost euro ordaindu beharko dute.Izen-emateko: ikastaroak@udaberri.com edo 688 637 070. - M.S.S.
Dokumentuaren akzioak
