Pirmin Treku dantzariari atzo eman zitzaion azken agurra hilerrian

Ostegun goizean eman zuen azken hatsa Pirmin Trekuk, Royal Ballet-eko dantzari izan zen zarauztarrak. Umetan, gerra zibiletik ihesi eta Inglaterrara iritsi zen.Han Ninette de Valois-en eskutik baletean trebatuta, Wells Ballet-era iritsi eta dantzari printzipala izan zen bertan. Portugalen 40 urtez bizi izan zen eta hamaika dantzari bikain sortu dira Oporton zuen eskolatik. Orain hiru urte itzuli zen Pirmin Treku bere jaioterrira, Zarautzera eta bertan hil da 76 urte zituela.

Pirmin Treku Sadler's Wells Ballet-eko (gaur egun Londres-eko Royal Ballet dena) dantzari printzipala izan zen 1948 eta 1961 bitartean. Besteak beste, La fête étrange dantzatzen nabarmendu zen. Horixe bera dantzatu zuen bere azken emanaldian, Convent Garden-en agurra esateko eskaini zuen dantzaldian.

Eszenatokietatik lesio baten ondorioz erretiroa hartu zuenean Portugalen dantza eskola ezarri zuen eta bertan jardun du 40 urtetan. Hamaika dantzari bikain sortu dira tarte horretan haren eskolatik, Oporton.

Herritik atera zenetik ia 70 urte pasa ondoren itzuli zen berriz ere Zarautzera, bertan bizi izatera. Azken hilabetea gaixo pasa ondoren pasa den ostegun goizean hil zen Pirmin Treku edo Fermin Aldabaldetreku.

Zarautzen bizi izan den denboran zenbait elkarrizketa egin dizkiote hemengo komunikabideetan eta orain bi hilabete Dantzaren Nazioarteko Egunaren ospakizunetan, Logroñoko Dantzaren Etxeak 'Ohorezko Lagun' izendatu zuen Pirmin Treku. Prentsan ateratako elkarrizketen artean Xabier Etxabe zarauztarrak Txaparron eginikoa edo Mitxel Ezkiagak egunkari honetan bertan orain denbora asko ez. Dena den, Pirminen inguruko erreportai eta albiste horiek guztiak, Oier Araolazak sailkatu ditu www.dantzan.com webgunean. Pirmin erraustu egin zuten, eta azken agurra ostiral arratsaldean eman zitzaion Zarauzko hilerrian. Goian bego, Pirmin! eta doluminak sendiari.

Bailarín del Royal Ballet de Londres